Հ.Յ.Դ. Երիտասարդականի Մասնակցութիւնը` Թիրանայի Համագումարին

0 0
Read Time:1 Minute, 12 Second

youth

ԵՐԵՒԱՆ.- Հ.Յ.Դ. Բիւրոյի Երիտասարդական գրասենեակը կը հաղորդէ, որ Փետրուար 26-էն 28-ին, Ալպանիոյ մայրաքաղաք Թիրանայի մէջ տեղի ունեցաւ Ընկերվարական երիտասարդներու միջազգային միութեան Համաշխարհային համագումարը, որ կազմակերպութեան բարձրագոյն ժողովն է, եւ տեղի կ՛ունենայ երկու տարին անգամ մը եւ, ուր շրջանաւարտ ղեկավար մարմինը կը ներկայացնէ երկու տարուան իր նիւթաբարոյական գործունէութեան զեկուցումը, կը ճշդուին կազմակերպութեան հետագայ գործունէութեան ուղենիշերը եւ կ՛ընտրուի ղեկավար նոր մարմին:
Հ.Յ.Դ. Երիտասարդականը համագումարին մասնակցեցաւ չորս հոգինոց պատուիրակութեամբ` Սարինէ Աբրահամեան (Հոլանտա), Արփինէ Մարտիրոսեան (Շուէտ), Հայկ Իգիթեան (Հայաստան) եւ Կարապետ Շատոյեան (Աւստրիա):
Ալպանիոյ մէջ տեղի ունեցած համագումարին ժողովականները լսեցին շրջանաւարտ մարմինի գործունէութեան զեկուցումը, ապա քննարկեցին գաղթականութեան ճգնաժամի, համաշխարհային խաղաղութեան, ընկերվարութեան եւ հանդուրժողականութեան վերաբերող հարցեր:
Աւարտին ընտրուեցաւ նոր ղեկավար մարմին եւ նախագահութիւն: Հ.Յ.Դ. Երիտասարդականը առաջադրած էր փոխնախագահի թեկնածու` Եւրոպական կոմիտէի կազմին մէջ: Երկարատեւ հետեւողական աշխատանքի իբրեւ արդիւնք Կարապետ Շատոյեան ընտրուեցաւ միջազգային ընկերվարական այս մեծագոյն կազմակերպութեան հինգ եւրոպական փոխնախագահներէն մէկը` ստանձնելով Սեւ Ծովեան շրջանի պատասխանատուութիւնը:
Միջազգային այս հեղինակաւոր կազմակերպութեան մէջ բարձր պատասխանատուութիւն ստանձնելը գործելու կարելիութեանց լաւագոյն առիթ կը ստեղծէ Հ.Յ.Դ. Երիտասարդականի համար` Հայաստանն ու հայութիւնը ճիշդ կերպով ներկայացնելու միջազգային երիտասարդական հանրութեան եւ վերջիններուս ծանօթացնելու հայ ազգի արդարատենչ ձգտումներուն:
Միաժամանակ ըլլալով ղեկավար մարմինի անդամ` Հ.Յ.Դ. Երիտասարդականը նաեւ առիթ պիտի ունենայ կարեւոր դերակատարութիւն ունենալու աշխարհի եւ շրջանի երիտասարդութեան առնչուող հարցերու եւ պահանջներու գծով:
Յիշեցնենք, որ Մայիս 2015-ին Հ.Յ.Դ. Երիտասարդականի հիւրընկալութեամբ Երեւանի մէջ տեղի ունեցաւ Ընկերվարական երիտասարդներու միջազգային միութեան Համաշխարհային խորհուրդի ժողովը` աշխարհի աւելի քան յիսուն երկիրներէ 160 երիտասարդներու մասնակցութեամբ:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post ՎԱՐԴԱՆԱՆՑ ՏOՆԸ ՆԻՒ ԵՈՐՔՈՒՄ
Next post ՄՏԱՒՈՐԱԿԱՆ ԿԱՐՕ ՅՈՎՀԱՆՆԷՍԵԱՆ ՄԵԾԱՐՈՒԵՑԱՒ ՄԵԾԻ ՏԱՆՆ ԿԻԼԻԿԻՈՅ ԱՐԱՄ Ա. ԿԱԹՈՂԻԿՈՍԻՆ ԿՈՂՄԷ

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles