«Սահմանադրութեան Հիմնական Արժէքը Պէտք Է Ըլլայ Մարդը» Կը Յայտնէ Արծուիկ Մինասեան

0 0
Read Time:1 Minute, 0 Second

Ardzvig

ԵՐԵՒԱՆ.- Գործող սահմանադրութիւնը թերի է, շարք մը հարցերու լիարժէք լուծումներ չէ տուած. կարծիք յայտնեց
Հ.Յ.Դ. խմբակցութեան պատգամաւոր՝ Արծուիկ Մինասեան, սահմանադրական հանրաքուէի քարոզարշաւի ծիրէն ներս, արտայայտուելով, յայտնեց թէ սահմանադրութեան հիմնական պաշտպանուող արժէքը պէտք է ըլլայ մարդը, քաղաքացին: «Ի վերջոյ, ժողովուրդը պետութիւն կը ստեղծէ, որպէսզի անիկա կարենայ իր իւրաքանչիւր անդամի եւ ժողովուրդի շահերը ներկայացնել ու պաշտպանել, եւ եթէ պետութիւնը այդպիսի պետութիւն չէ, անիկա միշտ խնդիրներ կը ստեղծէ հասարակութեան տարբեր հատուածներուն համար: Ահա, թէ ինչու շատ կարեւոր է, որ առաջին արժէքային համակարգը ըլլայ մարդը` իր արժանապատուութեամբ, իր գոյութեան իրաւունքով, իր բնական իրաւունքներու լիարժէք իրականացման մեքանիզմներով», ըսաւ ան, աւելցնելով թէ 1995-ի սահմանադրութեան մէջ կայ մէկ անձ` երկրին նախագահը` իբրեւ հաստատութիւն, որ բոլորին կը ղեկավարէ: Նախագահը կը կազմաւորէ եւ կը լուծարէ դատական իշխանութիւնը, գործադիր իշխանութիւնը` նոյնպէս: 2005-ի սահմանադրական փոփոխութիւններով փորձ կատարուեցաւ նուազեցնել նախագահին դերը եւ դերակատարութիւն վերապահել խորհրդարանին:
Միւս կողմէ, Հ.Յ.Դ. Հայաստանի Գերագոյն մարմինի անդամ Արսէն Համբարձումեան յայտնեց թէ, առաջարկուող սահմանադրական փոփոխութիւններով արմատապէս կը փոխուի դատական համակարգը` երաշխաւորելով դատական համակարգի դերը պետական համակարգին մէջ, ապահովելով դատարաններու անկախութիւնը, սահմանափակելով դատաւորներու անձեռնմխելիութիւնը: «Դատական համակարգի գլուխը պէտք է ըլլայ բարձրագոյն դատական խորհուրդը, որ պէտք է փոխարինէ այսօրուան Արդարադատութեան խորհուրդին, եւ այդ ատեանը պէտք է երաշխաւորէ ամբողջ դատական համակարգին անկախութիւնը», եզրակացուց Համբարձումեան:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles