Օժանդակութիւն՝ Հայաստանին եւ Արցախին

0 0
Read Time:1 Minute, 22 Second

p3 usa artsakh

ՈՒԱՇԻՆԿԹԸՆ.- Միացեալ Նահանգներու Արտաքին Գործոց փոխ-նախարարի Եւրոպայի եւ Եւրասիոյ հարցերու տեղակալ Պրիժիթ Պրինք ու Միացեալ Նահանգներու արտաքին օգնութեան համակարգող Ալինա Ռոմապովսքի Նոյեմբեր 18-ին տուած են մամլոյ միացեալ ասուլիս մը, ուր Պրիժիթ Պրինք իր խօսքին մէջ հաստա
տած է, որ Միացեալ Նահանգներու արտաքին գործոց նախարարութիւնը կ՛աջակցի Մինսքի Խմբակի համանախագահներուն՝ Լեռնային Ղարաբաղի հակամարտութեան բանակցային խաղաղ գործընթացին եւ սահմանային լարուածութիւնը մեղմելու ջանքերուն։ «Ես գիտեմ, որ վերջերս բռնութեան դրսեւորումներ կատարուած են, եւ համանախագահները հանդէս եկած են յայտարարութեամբ՝ կոչ ուղղելով կողմերուն յարգելու զինադադարը, նաեւ նշելով, որ ծանր զինատեսակի օգտագործումը անընդունելի է։ Մենք սերտօրէն կ՛աշխատինք դեսպան Ուորլիքի հետ եւ նեցուկ կը կանգնինք Մինսկի խումբի համանախագահներու ջանքերուն»,- յայտնած է ան: Պրիժիթ Պրինք վստահութիւն յայտնած է այն մասին, որ Արցախի հակամարտութեան կարգաւորման բանակցային գործընթացը ի վերջոյ պիտի առաջնորդէ հակամարտութեան խաղաղ կարգաւորման։ Ամերիկացի պաշտօնատարը լաւատես մօտեցումով խօսած է հայ ամերիկեան տնտեսական յարաբերութիւններուն մասին, ուր կան խորացման եւ ընդլայնման կարելիութիւններ։ Անոր համաձայն՝ Հայաստան կատարած իր այցելութեան հիմնական նպատակն է մասնակցիլ տնտեսական հարցերով հայ-ամերիկեան կառավարական աշխատանքային խումբի նիստին, քննարկել տնտեսական երկկողմ յարաբերութիւններու եւ ներդրումներու ընդլայնման առիթները: «Հայաստանի մէջ Միացեալ Նահանգներու ընդհանուր նպատակներն են աջակցիլ ժողովրդավարական հաստատութիւններուն, օգնել Հայաստանին՝ համարկուելու տարածաշրջանային տնտեսութեան մէջ, բարելաւել յարաբերութիւնները դրացիներուն հետ, դիմակայել արտաքին ճնշումները, ինչպէս նաեւ կառուցողական կապեր հաստատել Եւրոաթլանթեան հաստատութիւններուն հետ: Այսօր մենք բովանդակային քննարկումներ ունեցած ենք Հայաստանի արտաքին գործոց նախարար Էդուարդ Նալբանդեանի, քաղաքական ընդդիմադրութեան, ինչպէս նաեւ՝ քաղաքացիական հասարակութեան ներկայացուցիչներուն հետ: Կը կարծեմ, թէ աշխատանքային խումբի նիստերը օգնած են, որ տնտեսական աջակցութեան մասին երկխօսութիւն ծաւալի առեւտուրի եւ ներդրումներու ամրապնդման ուղղութեամբ»,- դիտել տուած է Պրիժիթ Պրինք: «Վերջին տարիներուն ցուցաբերուած աջակցութիւնը հիմնականին մէջ կը վերաբերէր ջրային ենթակառուցուածքներու բարելաւման եւ ականազերծման իրականացումին: Մենք պիտի շարունակենք մեր օժանդակութիւնը այդ ուղղութեամբ՝ ապահելով Արցախի բնակչութեան անվտանգութիւնը»,- հաստատած է ան։

 

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles