Ուաշինկթըն.- Արեւելեան Ա.Մ.Ն.-ի Հայ Երիտասարդաց Դաշնակցութեան Անդամները Զգուշացուցին Դեսպան Մակունցին

1 0
Read Time:49 Second

ՈՒԱՇԻՆԿԹԸՆ.- Ուրբաթ, Նոյեմբեր  5-ին,  արեւելեան Ա.Մ.Ն.-ի Հայ Երիտասարդաց Դաշնակցութեան Կեդրոնական Վարչութենէն բաղկացած պատուիրակութիւն մը տեսակցեցաւ նորանշանակ դեսպան եւ վարչապետ Փաշինեանի հլու կամակատար՝ «Իմ Քայլ»-ական Լիլիթ Մակունցի հետ:

Պատուիրակութիւնը կը բաղկանար հետեւեալ երիտասարդականներէն՝ Վրէժ Տաուլի (Շիքակոյի  «Արարատ» մասնաճիւղ, ատենապետ) եւ Ուաշինկթընի «Անի» մասնաճիւղէն՝  Սօսի Պուրուճեան, Ալեք Մանուկեան, Արամ Պալեան եւ Սիփան Օհաննէսեան:

Պատուիրակութեան անդամները դեսպան Մակունցին պաշտօնապէս յայտնեցին իրենց լուրջ մտահոգութիւնը, վարչապետ Փաշինեանի  կատարած անխոհեմ զիջումներուն Արցախի եւ  յատկապէս Զանգեզուրի միջանցքի առնչութեամբ, որ Ատրպէյճանը պիտի կապէ Նախիջեւանի եւ Թուրքիոյ:

«Եռակողմ համաձայնագիրը խաղաղութիւն չհաստատեց եւ պիտի չհաստատէ, այլ ընդհակառակը աւելի պիտի վատթարացնէ կացութիւնը: Մենք, երիտասարդներս կը մերժենք նմանօրինակ ապակառուցողական քաղաքականութիւն, որ մեզի կը տանի դէպի անդունդ եւ կործանում», յայտնեց Վրէժ Տաուլի։

Այս պատուիրակութեան կ՛ընկերակցէր Արեւելեան Ա.Մ.Ն.-ի Հ. Յ. Դաշնակցութեան Կեդրոնական Կոմիտէի անդամ՝ Անի Չաղլասեան:

Նշենք, թէ Երեքշաբթի Նոյեմբեր 9-ին, արեւելեան Ա.Մ.Ն.-ի Հայ Երիտասարդաց Դաշնակցութիւնը կազմակերպած է բողոքի ցոյցեր՝ Ուաշինկթընի, Նիւ Եորքի եւ Շիքակոյի մէջ: Մանրամասնութիւններ՝ .-  https://hairenikweekly.com/2021/11/05/49057 :

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post ՀԱՆԳԻՍՏ ԵՍ, ՉԷ՞, ՆՈՅԵՄԲԵՐ ԻՆԸ ՆՈՐԷՆ ՊԻՏԻ ԳԱՅ
Next post ՀԱՄԱ-Հ.Մ.Ը.Մ.-ԱԿԱՆ ՔԱՐՈԶՉԱԿԱՆ Ա. ԱՌՑԱՆՑ ՍԵՄԻՆԱՐԸ

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles