Ա․Մ․Ն․ ԱՐԵՒԵԼԵԱՆ ԹԵՄԻ ԱԶԳԱՅԻՆ ՎԱՐՉՈՒԹԵԱՆ ՏԵՍԱԺՈՂՈՎ՝ ՆԻՒ ԻՆԿԼԸՆՏԻ ԾՈՒԽԵՐՈՒՆ ՀԵՏ  

0 0
Read Time:1 Minute, 9 Second

Չորեքշաբթի, 27 Հոկտեմբերին, Ազգային Վարչութեան կազմակերպութեամբ տեղի ունեցաւ տեսաժողով մը Նիւ Ինկլընտի ծուխերու հովիւներուն, հոգաբարձութիւններուն եւ Ազգային Երեսփոխանական Ժողովի երեսփոխաններուն հետ, որուն նիւթն էր հոգեւոր ու ազգային արժէքներու վերարժեւորումը եւ ուժեղացումը համավարակէն ետք։ Շրջանի եօթը եկեղեցիներէն աւելի քան 60 հոգի մասնակցեցաւ։ Ազգային Վարչութիւնը յառաջիկայ ամիսներուն նոյն նիւթով հանդիպումներ պիտի գումարէ ատլանտեան եւ միջին արեւմտեան շրջաններու ծուխերուն հետ։

Առաջնորդական փոխանորդ՝ Գերպ. Տ. Սահակ Ծ. Վրդ. Եմիշեանի բացման աղօթքէն ետք, բարեջան Առաջնորդ՝ Անուշաւան Արքեպիսկոպոս Դանիէլեան, իր պատգամը փոխանցեց։ Յանուն Ազգային Վարչութեան, ատենապետ՝ Յակոբ Խաչատուրեան, Ազգային Վարչութեան եւ Առաջնորդարանի ներկայ գործունէութեան մասին համառօտ զեկոյց մը տուաւ։ Երեկոյեան առաջին ներկայացումը կատարեցին Արժ. Տ. Գաբրիէլ Քհն. Նազարեան (հոգեւոր հովիւ՝ Սրբոց Վարդանանց եկեղեցւոյ, Փրաւիտընս, Ռոտ Այլընտ) եւ Արժ. Տ. Միքայէլ Քհն. Տէր Խոսրովեան (հոգեւոր հովիւ՝ Ս. Աստուածածին եկեղեցւոյ, Ուայթընզվիլ, Մասաչուսեթս), որոնք անդրադարձան ծուխերը վերաշխուժացնելու հրամայականին, շեշտը դնելով քրիստոնէական արժէքներու եւ ծխականներու հետ մշտական կապերու ուժեղացման եւ այդ ուղղութեամբ միջոցներ գտնելուն վրայ։

Երկրորդ նիւթը երիտասարդութիւնն էր, զոր ներկայացուց տիկ. Անի Օվաննէսեան՝ Առաջնորդարանի երիտասարդական ծառայութեան տնօրէն։ Ան ընդգծեց պատանիներու հոգեւոր դաստիարակութեան կարեւորութիւնը՝ անոնց համապատասխան ձեւերով։ “Salt and Light” ծրագիրը մեծ յաջողութիւն ունեցած է եւ կրնայ կիրարկուիլ ըստ ծուխերու կարելիութեան։ Առաջարկուեցաւ, որ աւելի փոքր ծուխերը միասնաբար ստանձնեն այս ծրագիրը, ինչ որ գործակցութեան եւ փոխադարձ ճանաչման զգացողութիւնը աւելի պիտի խորացնէ։ Հարց ու պատասխանի բաժինը առիթ դարձաւ, որ ծուխերը բաժնեկցէին գաղափարներ ու փորձառութիւններ։

Փակման աղօթքը կատարեց Արժ. Տ. Անդրանիկ Ա. Քհն. Պալճեան՝ Սուրբ Ստեփանոս եկեղեցւոյ (Ուաթըրթաուն, Մասաչուսէց) հոգեւոր հովիւը։

 

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post ՀԱՅԱՍՏԱՆԻ ՀԱՆՐԱՊԵՏՈՒԹԻՒՆԸ՝ ՀԻՒՍԻՍ- ՀԱՐԱՒ ԵՒ ԱՐԵՒՄՈՒՏՔ-ԱՐԵՒԵԼՔ ԱՌԱՆՑՔՆԵՐՈՒՆ ՄԻՋԵՒ                                  
Next post Բեմադրիչ Ճիւան Աւետիսեանի Արցախի Պատերազմին Մասին Ժապաւէնը ցուցադրուեցաւ Ուաշինկթընի Մէջ

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles