ԿԵԴՐՈՆԱԿԱՆՑԻՆ ԵՒ «ԳԻՏԵ՞Ս ՈՎ Է ԻՄ ՀԱՅՐՍ» ԸՍՈՂ ԵՐԻՏԱՍԱՐԴԸ

0 0
Read Time:1 Minute, 44 Second

 

            Արմենակ հոկտեմբերի արեւոտ կիրակին, Էլպիսին հետ եկաւ զրուցելու: Ան չի վախնար թագաժահրէն եւ կու գայ, կը խօսի, ինքզինք հոգեվերլուծման կ’ենթարկէ եւ կը հանգստանայ:

            Մէկդի դրած էին պոլսական աւանդութիւնը, եւ իրենց քաղաքի Սերժ-Սեդրակի չորսի բաժնուած ծաւալուն ապուխտով պիձձայով եկան: Մակարուհին շիշ մը պաղ վարդագոյն գինի բերաւ եւ եղաւ տօն:

            Երբ արդէն պիձձայի եռանկիւն շերտերը կէս եղած էին, Արմենակ ումպ մը գինի կուլ տուա եւ ըսաւ.

            – Մակա՛ր, ցոյցի գացած էի քեզի ծանօթ դեսպանատան առջեւ: Առիթ է ծանօթ տեսնելու: Աղմուկ մը բարձրացաւ: Կարծեցի որ երիտասարդները դեսպանատուն կ’ուզէին խուժել: Միացայ իրենց:

            – Օր մը ձայնդ ոստիկանատունէն կամ հիւանդանոցէն պիտի գայ,- քրթմնջաց էլպիս:

            Արմենակ կանգ չառաւ եւ շարունակեց:

            – Քանի մը երիտասարդներ զիրար կը հրմշտկէին: Անոնցմէ մին, քու բարեկամ ջոջիդ տղան, զայրացած կ’ըսէր միւսներուն. «Գիտէ՞ք իմ հայրս ո՛վ է»: Ուրիշ մը իր ընկերոջ հարցուց. «Ո՞վ այս տխմարին հայրը»: Եւ մէկը ըսաւ. «Թող տո՛ւր, կը ճանչնաս, ամէն տեղ առաջին կարգի աթոռի կամ պատուոյ սեղանի հիւր եւ լուսանկարուելու խենթին տղան»:

            – Դեսպանատուն մտա՞ն,- հարցուցի:

            – Ո՛չ,- ըսաւ Արմենակ,- բայց կռիւ ալ չեղաւ, բարձրախօսները տիրեցին հրապարակին:

            – Իսկ ոստիկանները ի՞նչ ըրին:

            – Իրենց ինքնաշարժներու կողքին կանգնած, իրենց ափին հեռախօս, դիտեցին: Չլսուող երկու ճառեր ալ խօուեցան: Եւ օրը վերջացաւ,- ըսաւ Արմենակ:

            Էլպիս դժգոհութեամբ լսած էր Արմենակի արկածախնդրութիւնը եւ ըսաւ.

            – Ինչո՞ւ չըսիր, որ քու հայրդ ո՞վ էր: Գոնէ բան մը լսած եւ սորված կ’ըլլային: Իրենցմէ շատ առաջ Գում Գաբուի ցոյցին մասնակցած եւ բանտ տարուած էր, ոչ այստեղի հիւրանոցի նմանող բանտ, այլ՝ օսմանլի բանտ:

            – Մակա՛ր, գրէ՛ որ աթոռով եւ սեղանով չեն հպարտանար,- ըսաւ Արմենակ:

            Սուրճի արարողոթիւնը մոռցնել տուաւ «գիտե՞ս իմ հայրս ով է»ի դատարկաբանութիւնը: Էլպիս ու Մակարուհի խօսեցան աւելի կենսական հարցերու մասին, ինչպէս՝ միսի եւ ելեկտարականութեան, վառելանիւթի եւ ջուրի աճող գիներուն մասին, հարցեր՝ որոնցմով չեն զբաղիր առաջին կարգի  աթոռներու եւ պատուոյ սեղաններու սիրահարները:

            Դպիր եղած Արմենակ, դրան առջեւ ըսաւ.

            – Եթէ մարդիկ երբեմն Աւետարան կարդան, կ’ազնուանան: Յիշեցո՛ւր Յիսուսի խօսքը. Զի ամենայն որ բաձրացուցանէ զանձն՝ խոնարհեսցի. եւ որ խոնարհեցուցանէ զանձն՝ բարձրաձի:

            Միամիտ Կեդրոնականցին դեռ չէ հասկցած, որ աշխարհաբար չխօսողը ի՞նչ պիտի հասկնայ գրաբար խօսող Յիսուսի ըսածէն:

 

Մակար ի Գաղիա, 22 Հոկտեմբեր 2021

           

 

 

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post Իմը
Next post ՍԱՐԿԱՒԱԳՆԵՐՈՒ ՁԵՌՆԱԴՐՈՒԹԻՒՆ ՄԻՇԻԿԸՆԻ ՄԷՋ

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles