«Համազգային»-ի Արեւելեան Ա.Մ.Ն. Շրջանային Վարչութեան «Մինաս եւ Գոհար Թէօլէօլեան» Ժամանակակից Գրականութեան Մրցանակ 2021

1 0
Read Time:1 Minute, 30 Second

Համազգային Հայ Կրթական եւ Մշակութային Միութան Ա.Մ.Ն.-երու Արեւելեան Շրռանային վարչութիւնը կը յայտարարէ Մինաս եւ Գոհար Թէօլէօլեան ժամանակակից գրականութեան 2021 տարեշրջանի մրցոյթի արդիւնք։

Թէօլէօլեան մրցանակի մասնակից բազմազան գրութիւններու ընդմէջէն անդամներու մեծամասնութեան ձայնով դատական կազմը, երկար խորհդակցութիւններէ ետք մեծ դժուարութեամբ, հանգած է հետեւեալ որոշումին՝ հայերէնի մրցանակը կը յատկացուի Քարեն Չթճեան Բրեսդիի ՛՛Աստղիկը կ՚ուզէ արագ մեծնալ՛՛ – մանուկներու համար պատրաստուած գեղանկարազարդ գիրքին, իսկ անգլերէն մրցանակը կը յատկացուի՝ Լօլա Գունտաքճեանի երկլեզու բանաստեղծական հատորին, Lola Koundakjian, in English & Spanish – poems – The moon in the cusp of my hand։

Դատական կազմը Աստղիկը կ՚ուզէ մեծնալ մանկապատանեկան գործը նկատաեց այժմէական ու սրամիտ եւ մեծապէս քաջալերելի, նկատի ունենալով կարիքը նման գրականութեան։ Իսկ Լօլա Գունտաքճեանի երկլեզու երկը դատական կազմը գնահատեց իր իւրայատկութեամբ բանաստեղծի ներաշխարհի պատկերաւոր արտայայտման ձեւի հարազատութեան համար։

Այս մրցանակը կը կրէ հայ գրականութեան երախտաւոր, գրաքննադատ եւ «Հայրենիք» օրաթերթի երկարամեայ խմբագիր, գրականագէտ Մինաս Թէօլէօլեանի ու իր կողակցին` հայոց լեզուի և գրականութեան վաստակաշատ ուսուցչուհի Գոհար Թէօլէօլեանի անունը:

Մրցանակը կը շնորհուի Հիւսիսային Ամերիկա բնակող շնորհալի հեղինակներու: «Համազգային»-ի հիմնական նպատակն է այս մրցանակի միջոցով քաջալերել ու լայն հանրութեան հասցնել հայերէն լեզուով կամ հայկական նիւթերու մասին գրող հեղինակներուն:

Դոկտ. Քարին Չթճեան Բրեսդի բազմաթիւ մրցանակներ ստացած է։ Ան երաժշտութեան դասախօս է, U.C.L.A.-ի մէջ։ Նաեւ ան մանկավարժ, հորինող , մեկնաբան, կատարողական արուեստի մասնագէտ է ունի բազմաթիւ հրատարակութիւններ, հորինումներ։ Իր դոկտորայի աւարտաճառը Խորհրդային ժամանակաշրջանի ընկերային իրականութեան ազդեցութիւնը հայ երաժիշտներու հորինումներու կամ ստեղծագործութիւններու մասին էր U.S.C.էն:

Բանաստեղծ, արուեստագէտ, խմբագիր Նիւ Եօրքաբնակ Լօլա Գունտաքճեան հիմնադիրն է Հայ Բանաստեղծութեան Ցանցին։ Ան ունի բազմաթիւ հրատարակութիւններ։ Վկայուելէ ետք Մագիստրոսի տիտղոսով Columbia համալսարանէն, ան մասնակցած է բազմաթիւ համագումարներու եւ իր գիտական ուսումնասիրութիւնները լոյս տեսած են համագումարներու զեկոյցներուն մէջ։

Դատական կազմի անդամներն են. Դոկտ. Սիմա Աբրահամեան (Մոնրէալ), Դոկտ. Վարդան Մատթէոսեան (Նիւ Ճըրզի), Պրն. Կարէն Ջալլաթեան (Քալիֆորնիա), Անոյշ Ակներեան (Մոնրէալ) եւ Դոկտ. Միրնա Տուզճեան (Քալիֆորնիա):

 

 

 

 

 

Happy
Happy
100 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post ՍԼԱՔՆԵՐ.- ՈՐՈ՞ՒՆ ՀԱՒԱՏԱՆՔ…
Next post ԱՐԵՒՄՏԱՀԱՅԵՐԷՆԸ ԿԸ ՄՆԱ՞Յ ՀԱՂՈՐԴԱԿՑԱԿԱՆ  ԵՒ ՍՏԵՂԾԱԳՈՐԾԱԿԱՆ ԼԵԶՈՒ

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles