Հ.Յ.Դ. «Նիկոլ Աղբալեան» Ուսանողական Միութեան Բողոքի Ցոյց

0 0
Read Time:53 Second


ԵՐԵՒԱՆ.- Հինգշաբթի, Հոկտեմբեր 7-ին, Հ.Յ.Դ. «Նիկոլ Աղբալեան» ուսանողական միութիւնը բողոքի ցոյց կատարեց կառավարութեան շէնքին առջեւ` քննադատելով Նիկոլ Փաշինեանի խօսքին, գործին եւ իրականութեան անհամապատասխանութիւնը:

Երբ Հ.Յ.Դ. «Նիկոլ Աղբալեան» ուսանողական միութեան ատենապետ Տարօն Ղազարեան բարձրախօսով սկսաւ յիշեցնել Նիկոլ Փաշինեանի` Շուշիի վերաբերող վերջերս Լիթուանիոյ հայ համայնքի ներկայացուցիչներուն հետ հանդիպումին կատարած ապազգային եւ անպատասխանատու հերթական յայտարարութեան մասին, ոստիկանութիւնը` ուժի գործադրութեամբ, զայն բերման ենթարկեց:

«Հայաստան» խմբակցութեան պատգամաւոր Քրիստինէ Վարդանեան նշեց, որ չկայ օրէնք կամ կարգաւորում մը, որով կարելի է բերման ենթարկել անհատ մը բարձրախօս օգտագործելուն համար:

Հ.Յ.Դ. երիտասարդական միութեան անդամ Գոռ Սարգսեան ըսաւ, որ համախմբուած են Հայաստանի թիւ մէկ հողատուին ըսելու, որ Շուշիի մէջ այս 30 տարուան ընթացքին բազմաթիւ բաներ կառուցուած են, բազմաթիւ գործեր կատարուած:

Խօսելով ոստիկաններուն կողմէ` բարձրախօսով խօսելուն համար բերման ենթարկուած իրենց ընկերոջ մասին, Գոռ Սարգսեան ըսաւ, որ այդ հարցը բարձրաձայն պիտի արծարծեն, որովհետեւ եղածը բռնաճնշում է:

Լրագրողներուն հետ զրոյցէն ետք, ոստիկանները մօտեցան Գոռ Սարգսեանին եւ զայն եւս բերման ենթարկեցին: Բողոքի խաղաղ ցոյցէն ետք Հ.Յ.Դ. «Նիկոլ Աղբալեան» ուսանողական միութիւնը հրապարակեց յայտարարութիւն մը, որուն մէջ դատապարտեց խաղաղ ցուցարարներուն հետ կատարուածը:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post ԹԵՄԱԿԱԼ ԵՐԵՔ ԱՌԱՋՆՈՐԴՆԵՐՈՒ ԺՈՂՈՎ ՆԻՒ ԵՈՐՔԻ ՄԷՋ
Next post Հեռաւորին Եւ Մօտաւորին Հետ Զրուցելու Ցանկութեամբ .- ՀԱՅ ԵԿԵՂԵՑԻՆ, ՀԱՅԱՍՏԱՆ ԵՒ ՍՓԻՒՌՔ, ԿԸ ԴԱՌՆԱ՞Ն ՄԵՐ ԻՆՔՆՈՒԹԵԱՆ ՈՉ ԾԻՍԱԿԱՆ ԼԻԻՐԱՒ ՔՈՒՐԱՅ  

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles