ՎԵՐԱՑՄԱՆ ՍՈՒՐԲ ԽԱՉԻ ՏՕՆԸ ՄԵԾ ՇՈՒՔՈՎ ՆՇՈՒԵՑԱՒ ՄԵԾԻ ՏԱՆՆ ԿԻԼԻԿԻՈՅ ՄԱՅՐԱՎԱՆՔԻՆ ՄԷՋ

0 0
Read Time:44 Second

Կիրակի, Սեպտեմբեր 12-ին, հայ եկեղեցին նշեց հինգ տաղաւար տօներէն վերջինը եւ Տէրունի Խաչին նուիրուած տօներէն երկրորդը հանդիսացող Վերացման Սուրբ Խաչի տօնը: Մեծի Տանն Կիլիկիոյ Կաթողիկոսութեան Անթիլիասի Մայրավանքին մէջ, հանդիսապետութեամբԱրամ Ա. Վեհափառ Հայրապետին, մատուցուեցաւ Սուրբ եւ Անմահ Պատարագ, ի յիշատակ Վերացման Ս. Խաչի տօնին:

Պատարագը մատուցեց եւ յաւուր պատշաճի քարոզեց Կաթողիկոսարանի լուսարարապետ Գերշ. Տ. Մակար Եպս. Աշգարեան:

Սրբազանը ընդգծեց անձնուրացութեան, հաւաքական բարիքներուն համար տագնապելու, զոհողութեան եւ երկնային սիրոյ հետամուտ ըլլալու գաղափարները:

Աւարտին, ան աղօթք բարձրացուց առ Ամենակալն Աստուած եւ շարականագիրին բառերով զօրութիւն, բժշկութիւն եւ խաղաղութիւն խնդրեց աշխարհին համար:

Յայտնենք, որ Ս. եւ Անմահ Պատարագէն անմիջապէս ետք, Վերացման Ս. Խաչի տօնին առիթով, Վեհարանին մէջ, Արամ Ա. Վեհափառ Հայրապետը Կաթողիկոսարանի Cilicia TV լրատուամիջոցին ճամբով փոխանցեց իր Հայրապետական պատգամը: Արամ Ա. խօսելով քրիստոնէական հաւատքի էութեան մասին՝ ըսաւ, որ կարելի չէ հասկնալ քրիստոնէական հաւատքը, կարելի չէ ըմբռնել քրիստոնէական կեանքին իմաստն ու ուսուցումները, խորհուրդը եւ նպատակը առանց Սուրբ Խաչին:

 

 

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post ԱՏՐՊԷՅՃԱՆԱԿԱՆ ԶԻՆՈՒԺԻ ԱՆՊԱՏԻԺ ԽԱՓԱՆԱՐԱՐՈՒԹԻՒՆԸ Հ.Հ. ՄԱՅՐՈՒՂԻՆԵՐՈՒՆ ՎՐԱՅ…ԵՒ ՄԵՐ ԺՈՂՈՎՈՒՐԴԻ ՀԱՄԲԵՐՈՒԹԵԱՆ ԲԱԺԱԿԸ
Next post Ո՞վ Կասեցուց Հայաստանի Ազգակերտումը

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles