ԿԸ   ՓՆՏՌԵՄ   ԵՍ   ՔԵ՛ԶԻ

0 0
Read Time:45 Second

Հրանդ Մարգարեան
2021-8-19

Երբ որբանամ պահերէն

Երբ աշխարհէն խռովիմ,
Երբ տապարը պատմութեան
Ազգիս գլխուն կ՛աղկանձէ
Երբ Մարդուն խիղճը բորբոսի
Երազները թարմ ու վարդ
Մահուան դռները թակեն,
Առանձնութեանս մէջ, եկո՛ւր
Կը կարօտնամ ես քե՛զի։
 
Եկո՛ւր, ըլլանք միասին
Մեր պատմութան գանձերու
Երգիչները ուխտաւոր։
Ծովու ափին ալիքներու խուլ ձայնի
Ալեկոծուինք յանգերով։
 
Եկուր մտնենք խոնարհուած
Խորանները սպասող
Ծխենք խունկը դարերու
Չորցած աղօթքը մրմնջենք։
 
Եկո՛ւր, երթա՛նք
Կը փնտռեմ ես քե՛զի․․․
 
Արեւուն հետ բարկ, կիզիչ,
Օրերու երգը դաժան
Խեդուած ձայները մարած
Խմբերգներով վայրենի
Երբ հոգիիս հետ մռայլ
Կը հրկիզեն էութիւնս տարանջատ,
Հոգիներու սենեակներուն մէջ լռիկ
Կը փնտռեմ ես քե՛զի։
 
Եկուր, ո՜րբ ենք առանձին
Ամէն մէկս օրերու ճամբաներուն շփոթած
Թոյրերու երգը կորած ետ բերեք
մեր երդիքի հէգ սիւներուն կորսուած։
 
Եկո՛ւր, երթա՛նք
Միաձուլուինք մթութեանը դեռ ննջած
Ըլլանք հողի գոյնով, բոյրով եւ շուչով
Շողն առաջին այս  կեանքին․․․ 

Եկո՛ւր, երթա՛նք,

Որ չփնտռեմ ես ՔԵԶԻ։

 

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post ԽԱՂԱՂՈՒԹԻՒՆ՝ ՆԱԽԱՊԱՅՄԱՆՈՎ ՄԸ
Next post 44-ՕՐԵԱՅ ՊԱՏԵՐԱԶՄԻ ՊԱՐՏՈՒԹԻՒՆԸ ԱՐՑԱԽԵԱՆ ԱԶԱՏԱԳՐԱԿԱՆ ՊԱՅՔԱՐԻՆ ԱՒԱ՞ՐՏՆ Է

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles