ԱՄԵՐԻԿԱՀԱՅ ՄԱՐԶԻՉ ԷՏԸՄ ԳՐԻԳՈՐԵԱՆԻ ԽՈՒՄԲԸ ՈՍԿԻ ՄԵՏԱԼԱԿԻՐ

0 0
Read Time:1 Minute, 1 Second

 


Միացեալ Նահանգներու ջրագնդակի (waterpolo) կանանց խումբը առաջին հանդիսանալով, տիրացաւ ոսկի մետալին, պարտութեան մատնելով Սպանիան։ Իւրայատուկ էր այս յաղթանակը ամերիկահայութեան համար եւ ունեցաւ բացառիկ նշանակութիւն, այն պատճառով, որ ոսկի մետալ նուաճած խումբին մարզիչն էր հայազգի Էտըմ Գրիգորեան։
Ամերիկահայ կազմակերպութիւնները լայնօրէն արձագանգ հանդիսացան այս իրադարձութեան, ընդգծելով յաջողութեան նշանակութիւնը եւ շնորհաւորելով մարզիչ Էտըմ Գրիգորեանը։
Ծնած 1974-ին, Էտըմ զաւակն է Կէրի եւ Ճոյս (ծնեալ՝ Սրապեան) Գրիգորեաններուն։ Ան իր եղբօր՝ Պլէյքի (մահացած) հետ, փոքր տարիքէն կիրարկած է ջրագնդակ։ 2016-ի Ռիոյի ողիմպիականին ալ ոսկի մետալակիր էր Գրիգորեան։ Իր մարզած կազմը, պարտութեան մատնած էր Իտալիան։
Յաջորդաբար երրորդ անգամ ըլլալով Գրիգորեանի մարզած կազմը ոսկի մետալին կը տիրանար։ Առաջին անգամ 2012-ի ողիմպիականին, Լոնտոնի մէջ, իր մարզած կազմը, աւարտականի պարտութեան մատնած էր Սպանիան։
Իր կողակից Անիսիայի հետ Քալիֆորնիոյ բնակիչ, Գրիգորեան տարիներ շարունակ նաեւ մարզած է Եու․ Սի․ Էլ․ Էյ․ համալսարանի կազմը։ Մանհաթըն Պիչ բնակութիւն հաստատած ամոլը բաղդաւորուած է երկու զաւակներով՝ Ճէք եւ Աննապէլ։ Նախապէս, Գրիգորեան նաեւ եղած է խումբին աստղերէն եւ 2016-ին մուտք գործած է Եու․ Սի․ Էլ․ Էյ․ համալսարանի լաւագոյն մարզիկներու ցանկին մէջ։ 1995-էն 1999, Գրիգորեան իր համալսարանի կազմին հետ մնացած է առաջին դիրքի վրայ եւ այդ տարեշրջաններուն, ընդամէնը նշանակած է 76 կոլ։ Նախապէս, Գրիգորեան նաեւ մարզած է Եու․ Սի․ Էլ․ Էյ․ համալսարանի տղոց կազմն ալ։

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post Հայագիտութիւնը Իբրեւ Մերձաւոր-Միջին Արեւելեան Գիտութիւն   Seta B. Dadoyan, Islam in Armenian Literary Culture. Texts, Contexts, Dynamics (Louvain: Peeters, 2021), CSCO, Subsidia Tomus 147. Սեդա Պարսումեան Տատոյեան, Իսլամը Հայ Գրական Մշակոյթին մէջ Բնագիրներ, Հիմնավայրեր, Ուժընթացք  
Next post ՈՒՍՏԸՐ.- ՏԱՆ ԿԱՐԳ ԵՒ ՎԵՐՋԻՆ ՕԾՈՒՄ ՀՈԳԵԼՈՅՍ Տ. ՎԱԶԳԷՆ Ա. ՔՀՆ. ՊԷՔԻԱՐԵԱՆԻՆ 

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles