Հ.Մ.Ը.Մ.-Ի ԱՐՑԱԽԻ ՄԵԿՈՒՍԻ ՇՐՋԱՆԻ ՎԵՐԱԿԱՆԳՆՈՒՄ

0 0
Read Time:1 Minute, 25 Second

 

Կիրակի, 18 Յուլիս 2021-ին, Հ.Մ.Ը.Մ.-ի Կեդրոնական Վարչութիւնը ներկայացնող պատուիրակութիւն մը, գլխաւորութեամբ Կեդրոնական Վարչութեան ատենապետ Վաչէ Նաճարեանի, անդամներ Օշին Փիրումեանի եւ Դաւիթ Յակոբեանի, ինչպէս նաեւ Սանտրա Վարդանեանի, այցելեց Արցախ եւ Ստեփանակերտի մէջ վերականգնեց 44օրեայ պատերազմէն ետք աշխատանքէ դադրած Հ.Մ.Ը.Մ.-ի Արցախի Մեկուսի Շրջանը։

Հ.Մ.Ը.Մ.-ի պատուիրակութիւնը Ստեփանակերտի մէջ հանդիպում մը ունեցաւ Մեկուսի Շրջանի նոր վարչութեան հետ եւ անոր հետ խորհրդակցեցաւ յառաջիկայ հանգրուանին Արցախի մէջ Հ.Մ.Ը.Մ._ի ծաւալելիք աշխատանքներուն շուրջ։

 

ՀԱՆԴԻՊՈՒՄ ՝ Հ.Յ.Դ. ԱՐՑԱԽԻ ԿԵԴՐՈՆԱԿԱՆ ԿՈՄԻՏԷԻՆ ՀԵՏ

Նոյն օրը, Հ.Մ.Ը.Մ.-ի պատուիրակութիւնը Ստեփանակերտի Հ.Յ.Դ. «Նիկոլ Դուման» կեդրոնին մէջ հանդիպում մը ունեցաւ Հ.Յ.Դ. Արցախի Կեդրոնական Կոմիտէին հետ։ Հանդիպումին ներկայ գտնուեցաւ Արցախի Հանրապետութեան նախագահի կրթութեան, գիտութեան, մշակոյթի, երիտասարդութեան եւ մարմնամարզի հարցերու խորհրդական Արմէն Սարգսեան։

Հանդիպումէն ետք, Հ.Յ.Դ. Արցախի Կեդրոնական Կոմիտէի անդամ Դաւիթ Իշխանեան նշեց, որ Հ.Մ.Ը.Մ.-ը, իբրեւ Հ.Յ.Դ.ի ուղեկից կառոյց, Արցախի մէջ գործունէութեան սկսաւ Օգոստոս 2019-ին։ Իշխանեան մեծապէս գնահատեց Հ.Մ.Ը.Մ.ի աշխատանքներուն վերսկսումը Արցախի մէջ, պատանեկան եւ երիտասարդական շրջանակներու մօտ պատերազմի հետեւանքով յառաջացած խնդիրները դարմանելու համար։

Իր կարգին, Հ.Մ.Ը.Մ.-ի Կեդրոնական Վարչութեան ատենապետ Վաչէ Նաճարեան յայտնեց, որ Հ.Մ.Ը.Մ.-ի հիմնական նպատակներէն մէկն է նոր սերունդին ազգային առողջ դաստիարակութեան ջամբումը եւ առողջ միտքով ու առողջ մարմնով սերունդներու կերտումը։ «Արցախի պատանիներու եւ երիտասարդներու ազգային դաստիարակութեան հարցը Հ.Մ.Ը.Մ.-ի գլխաւոր աշխատանքներէն մէկն է», շեշտեց Կեդրոնական Վարչութեան ատենապետը։

 

ՅԱՐԳԱՆՔԻ ՏՈՒՐՔ՝ ԱՐՑԱԽԻ ՆԱՀԱՏԱԿՆԵՐՈՒՆ

Հ.Մ.Ը.Մ.-ի պատուիրակութիւնը Արցախի մէջ այցելեց Ստեփանակերտի եղբայրական գերեզմանոց եւ յարգանքի իր տուրքը մատուցեց Արցախի Հանրապետութեան անդրանիկ Գերագոյն Խորհուրդի նախագահ Արթիւր  Մկրտչեանի շիրիմին եւ Արցախեան վերջին պատերազմին նահատակուած արցախցիներու յիշատակին։

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post Ե-Ֆորում. Համազգային Ֆորումի Ելեկտրոնային Երկօրեայ Հաւաքը
Next post Սահմանադրական Դատարանը Հաստատեց Ընտրութիւններու Արդիւնքները

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles