Արժանթինահայ Խմբավար Ժան Ալմուխեանի Հրաժեշտը

0 0
Read Time:1 Minute, 21 Second

Վերջերս, մահացաւ արժանթինահայ յայտնի երգահան եւ  խմբավար Ժան Ալմուխեանը:

Ծնած է 1932-ին, Յունաստան, 1947-ին ընտանիքով հաստատուած է Արժանթին: Ուսած է Արժանթինի ականաւոր վարպետներուն մօտ:

1957-ին խումբ մը արուեստասէր ընկերներու հետ հիմնած է «Հայ երաժշտութեան բարեկամներ» ընկերակցութիւնը եւ անոր «Արաքս» երգչախումբը, որուն հիմնադիրն ու գեղարուեստական խմբավարը եղած է տասնամեակներ շարունակ: Իր բարձր նուիրումին ու երկաթեայ կարգապահութեան շնորհիւ` «Արաքս»-ը դարձած է Պուէնոս Այրեսի սիրողական լաւագոյն խումբերէն մին` աւելի քան 350 հայկական, արժանթինեան եւ այլ ժողովուրդներու խմբերգներէ բաղկացած հարուստ երգացանկով: «Արաքս»-ի ճամբով Ժան Ալմուխեանի կատարած մեծ աշխատանքին շնորհիւ կարելի եղած է հայ երաժշտութիւնը իր արժանի բարձունքին վրայ պահել ու տարածել ոչ միայն հայ հասարակութեան, այլ նաեւ տեղացի ժողովուրդին մէջ:  Երկար տարիներ Ալմուխեանի ղեկավարած երգչախումբին ճամբով ջամբուող հայապահպանութեան շնորհիւ շատեր հայ մնացած են:

2011-ին, Հայաստանի անկախութեան 20-ամեակին առիթով, Սփիւռքի նախարարութիւնը Ժան Ալմուխեանը պարգեւատրած է «Կոմիտաս» շքանշանով:

2012-ին, անոր ծննդեան 80-ամեակին եւ երաժշտական գործունէութեան 55-ամեակին առիթով, Հայաստանի Սփիւռքի նախարարութեան «Իմ Հայաստան» համահայկական փառատօնի ծիրին մէջ տեղի ունեցած է անոր եւ ծաւալած գործունէութեան մեծարման նուիրուած երեկոյ` Երեւանի «Արամ Խաչատրեան» համերգասրահին մէջ:

Ժան Ալմուխեանի վաստակը գնահատելով` Հայաստանի օրուան սփիւռքի նախարար Հրանոյշ Յակոբեան զայն պարգեւատրած է Հայաստանի սփիւռքի նախարարութեան ոսկի մետալով:

Մարտ 18, 2014-ին, Հայաստանի անկախութեան 22-րդ ամեակին առիթով, Պուէնոս Այրէսի Հայ կեդրոնի «Սիրանոյշ» սրահին մէջ տեղի ունեցած է Ժան Ալմուխեանի մեծարման երեկոն, ուր անոր յանձնուած է Հայաստանի օրուան նախագահ Սերժ Սարգսեանի հրամանագիրը, որով Ժան Ալմուխեան կը պարգեւատրուի «Մովսէս Խորենացի» մետալով:

Ժան Ալմուխեանը հեղինակած է մեծ թիւով երաժշտական ստեղծագործութիւններ` երգչախմբային, սենեկային, սիմֆոնիք, դաշնամուրային, մեներգներ, որոնք բազմիցս կատարուած են ինչպէս Արժանթինի, այնպէս ալ այլ երկիրներու մէջ, ինչպէս` Իտալիա, Պոլիվիա, Զուիցերիա, Ուրուկուէյ եւ այլն:

Ալմուխեանը անդամ էր Արժանթինի յօրինողներու ընկերութեան:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post ԳԼԽԱՊՏՈՅՏ ԺԱՄԱՆԱԿՆԵՐ
Next post Յետպատերազմեան Մարտունին

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles