ArmenianEasy-ն Կը Հրատարակէ Այբուբենի Մեծ Գիրքը

Յատուկ հաղորգագրութեամբ մը, ArmenianEasy LLC հրատարակչոթիւնը (Սթերլինկ Հայց, Միշիկըն) կը տեղեկացնէ, թէ Արեւմտահայերէն Մանկական Աշխատագիրքը՝ «Այբուբենի Մեծ Գիրքը» լոյս պիտի տեսնէ Յունիս 1-ին։

ArmenianEasy LLC հրատարակչութիւնը 2019-ին ստեղծեցին աﬔրիկահայ քոյրեր՝ Քէթի Ճէյքըպս-Պրիթօ եւ Ճէնի Մըլլըն, երբ արեւմտահայերէնի կրթական նիւթերու կարիքն ունէին։ Այս բնօրինակ աշխատագիրքը կազմուած է չորս տարեկան երեխաներու համար։ Գիրքը կը ներկայացնէ այբուբենի 38 տառերը բազմաթիւ հետաքրքրական եւ ներգրաւող  նիւթերով, օրինակի համար՝ ներկել, համրել, գտնել ճամբան, ﬕացնել կէտերը, մարﬕնին մասերը սորվիլ, երգել եւ այլն։

ArmenianEasy.com կայքի եւ այբուբենի աշխատագիրքի գաղափարը սկսաւ երբ Ճէնիին աﬔնաﬔծ զաւակը մանկապարտէզ էր։ Հայ դպրոցներէն հեռու բնակող՝ Ճենին ստիպուած տունը հայերէնի դաս կը սորվեցնէր իր պզտիկներուն։ Կ՚ուզէր գտնել գիրքեր եւ նիւթեր որոնք արեւմտահայերէնով գրուած էին եւ այբուբենի տառերը կը սորվեցնէին։

«Կ՚ուզէի այդ անգլերէնի տառերու խոշոր գիրքերէն որ տեսեր էի խանութներուն մէջ, ﬕայն թէ անշուշտ հայերէնով գրուած։ Ուրեﬓ քրոջս Քէթիին հարցուցի, եթէ կրնար  նիւթեր պատրաստել ինծի համար», կը յայտնէ Ճէնին։ Արուեստագիտուհի Քէթին շուտով եւ մեծ սէրով սկսաւ կազﬔլ այբուբենի աշխատանքային էջերը։ Շուտով՝ ﬕ քանի էջեր դարձան 328 էջերէ բաղկացած պատկերազարդ աշխատագիրք, որ պզտիկներուն կը ծանօթացնէ տառերը, ﬕեւնոյն ատեն կը զարգացնէ իրենց բառամթերքն ու ձեռքի ճկունութիւնը։ Թէեւ գիրքը հայերէնով գրուած է, բայց նաեւ կան բացատրական էջեր անգլիախօսներուն համար։

Դասական նիւթեր կազﬔլը նորութիւն չէ քոյրերուն համար։ Իրենց մայրը՝ Հուրիկ Թուխանեան – Ճէյքըպսը հրաշալի հայերէնի ուսուցչուհի էր։ Անշուշտ իր զաւակներուն սորվեցուց հայերէն խօսիլ, նաեւ քառասունէն աւելի տարիներ սորվեցուց անթիւ աշակերտներու՝ ամէնափոքրիկներէն ﬕնչեւ յառաջացած տարիքաւորները։ Պէյրութի Ճեմարանէն աւարտած՝ Հուրիկ, նախապէս կը դասաւանդէր Տիթրոյթի շրջանի Հ․Օ․Մ․-ի ամէնօրեայ դպրոցէն երս, ապա Հ․Օ․Մ․-ի ﬕօրեայ դպրոցը, առաւել իր անձնական դասարանները։ Ընդհանրապէս դասանիւթերը իր յատուկ պատրաստութիւններն էին։ Քէթին՝ իր պարտականութեան ընթացքին, մօրը դասերուն համար գծագրութիւններ կը պատրաստէր։ Վերջը սկսաւ մօրը հայերէնի դասերուն մասնակցիլ իբր օգնական։ Դաս տալէն ետք՝ Հուրիկը եւ Քէթին ժաﬔրով կը զրուցէին աշխուժութեամբ դասաւանդելու մասին։ Ան մօրմէն իմացաւ որ հայերէնի դաս տալու ատեն որքան կարեւոր է կրկնութիւնն ու խաղը։ Այս գիտակցութիւնը Քէթիին եւ Ճէնիին այսինքն ArmenianEasy-ին կը մղէ որ գիրքեր եւ դասանիւթեր պատրաստեն որ հայերէն լեզուն հաճելի եւ դիւրին ըլլայ սորվելու։ Հետաքրքրուելու կամ աշխատագիրք գնելու համար՝ այցելել ArmenianEasy.com.

Be the first to comment

Leave a Reply

Your email address will not be published.


*