Արցախի Հ․Յ․Դ․ Երիտասարդական Միութիւններու Ծրագիրներու Ներկայացում


ՍՏԵՓԱՆԱԿԵՐՏ․- Մարտի 11-ին, Հ․Յ․Դ․ «նիկոլ Դուման» կեդրոնին մէջ, տեղի ունեցաւ մամլոյ ասուլիս, որուն ընթացքին ներկայացուեցան Արցախի մէջ գործող Հ․Յ․Դ․ երիտասարդական միութիւններու յառաջիկայ տարիներուն իրագործելի ծրագիրները:
Ասուլիսի ընթացքին, Հ․Յ․Դ․ Բիւրոյի երիտասարդական գրասենեակի պատասխանատու Արշակ Մեսրոպեան, Հ․Յ․Դ․ Արցախի երիտասարդական միութեան Կեդրոնական Վարչութեան անդամ Անի Յովհաննիսեան եւ Հ․Յ․Դ․ Լիբանանի երիտասարդական միութեան անդամ Քրիստ Բրուտեանը խօսեցան Արցախի տարածաշրջանէն ներս իրականացուող եւ նախատեսուող շարք մը ծրագիրներու մասին եւ ապա պատասխանեցին լրագորղներու հարցումներուն։
Արշակ Մեսրոպեան ներկայացուց պատերազմի օրերուն Հ․Յ․Դ․ երիտասարդական, ուսանողական միութիւններու իրականացուցած քարոզչական, իրազեկման, կամաւորական աշխատանքներու մասին: Պատերազմէն ետք Հ․Յ․Դ․ Բիւրոյի երիտասարդական գրասենեակը, ուսումնասիրելով Արցախի մէջ տիրող իրավիճակը, շարք մը առաջնահերթ լուծում պահանջող խնդիրներ կատարեց, որոնց գործընթացը կը շարունակուի։
«Շփուելով երիտասարդներու, արցախահայութեան հետ նկատել ենք, որ հիմնական խնդիրն անվտանգութեան հետ կապուած մտահոգութիւններն են: Երկրորդ ամենասուր խնդիրը ընկերային-տնտեսական ծանր իրավիճակն է: Առկայ անորոշութիւնը, մտահոգութիւնները որոշ չափով մեղմացնելու համար մի շարք նախաձեռնութիւններ ենք իրականացնելու: Հայրենիք պահելը հեշտ գործ չէ, հայրենիքը պահում են այնտեղ ապրելով, արարելով: Ինչքան էլ դժուար լինի, միասնաբար կը յաղթահարենք»,- ըսաւ Արշակ Մեսրոպեանը` աւելցնելով, որ համահայկական ներուժը պէտք է կեդրոնացնել Արցախի պատերազմի հետեւանքներու վերացման եւ զարգացման աշխատանքներուն:
Հ․Յ․Դ․ Բիւրոյի երիտասարդական գրասենեակի պատասխանատուն որոշ մանրամասնութիւններ ներկայացուց նաեւ Արցախի երիտասարդներու կարողականութիւններու եւ հմտութիւններու զարգացման փորձ-դասընթացներուն մասին, որոնց նպատակը ընկերային-տնտեսական աջակցութիւն ցուցաբերելն է: «Ընտրուած ոլորտները հեռանկարային են եւ արդիական` աշխատանքի տեղաւորման հետ կապուած: Գիտելիքների, հմտութիւնների փոխանցումից յետոյ գաղափարները վերածուելու են փոքր ծրագրերի: Մենք որպէս կառոյց ապահովելու ենք հարթակը, որտեղ ներդրողները ծանօթանալու են դասընթացներից ստացած գիտելիքների հիման վրայ երիտասարդների կազմած ծրագրերի հետ: Հաւանութեան արժանանալու դէպքում այդ ծրագրերը ֆինանսաւորելու են»,- տեղեկացուց Մեսրոպեան:
Անի Յովհաննիսեանը ներկայացուց վերջին շրջանին Հ․Յ․Դ․ Արցախի երիտասարդական միութեան իրականացուցած ծրագրերը` շեշտելով, որ ուժերու ներածին չափով պատրաստ են նպաստել Արցախի վերակագնման:
Քրիստ Բրուտեանը Արցախ ժամանած է մարդասիրական աշխատանքներ կատարող խումբի հետ: Երիտասարդներու մէկ մասը պիտի աշխատի Քերոլան Քօքսի անուան վերականգնողական կեդրոնին մէջ, իսկ միւս մասը՝ Արցախի երիտասարդներու, պատանիներու ժամանցային, դաստիարակչական ծրագրեր պիտի իրագործէ:
«Լիբանանում տնտեսական, քաղաքական, սոցիալական առումով անորոշ վիճակ է, բայց դա արգելք չի հանդիսանում Արցախում ծրագրերի իրագործմանը: Մենք պէտք է օգնենք Արցախի ժողովրդին նորից ոտքի կանգնել, դաշնակցական երիտասարդները պատրաստ են մաս կազմելու այդ ծրագրերին»,- յայտնեց Քրիստ Բրուտեան:
Նշենք, թէ Արցախի Պետական Համալսարանին մէջ կայացաւ Հ․Յ․Դ․ Բիւրոյի Երիտասարդական գրասենեակի պատասխանատու Մեսրոպեանի հանդիպումը Տնտեսագիտութեան ֆակուլտետի ուսանողներու հետ:
Հանդիպման ընթացքին ներկայացուեցան Հ․Յ․Դ․ Բիւրոյի Երիտասարդական գրասենեակի եւ Հ․Յ․Դ․ Արցախի Երիտասարական միութեան կողմէ պատրաստուած Արցախի երիտասարդութեան կարողականութեան եւ հմտութիւնների զարգացման դասընթացքի ծրագիրը: Ուսանողները մեծ ուրախութեամբ ընդունեցին Արցախի երիտասարդութեան կարողութիւններու զարգացման ուղղուած ծրագիրը:

Be the first to comment

Leave a Reply

Your email address will not be published.


*