ԿՐԿԻՆ… ՀԱՅ-ԹՈՒՐՔ ՅԱՐԱԲԵՐՈՒԹԻՒՆՆԵՐՈՒ ՄԱՍԻՆ


ԵՐԵՒԱՆ․- Շաբաթասկիզբին, այլ կնճռոտ հարց մը սկսաւ մելան հոսեցնել, երբ Հայաստանի Հանրապետութեան Անվտանգութեան խորհուրդի քարտուղար Արմէն Գրիգորեան յայտնեց, թէ պէտք է կրկին քննել Հայաստան-Թուրքիա յարաբերութիւններու թղթածրարը։
Անվտանգութեան Խորհուրդի քարտուղարը երեք անգամ խուսափելէ ետք իրեն ուղղուած հարցումին, թէ` Թուրքիան թշնամի՞ է Հայաստանին համար, յայտարարեց, որ որոշ փոփոխութիւններ պէտք է ներառել այս հարցին առնչութեամբ։
Վարչապետ Նիկոլ Փաշինեանն ալ այս նիւթին առնչութեամբ, միեւնոյն արտայայտութիւնը կատարած էր։ Մինչդեռ, արտաքին գործոց նախարարութիւնը անտեղեակ ըլլալով, այս անցուդարձէն, պատշաճ կերպով տեղեկացուցած էր, թէ պէտք էր մօտէն եւ մանրամասնութեամբ քննել հարցը։ Արտաքին Գործոց նախարար Արա Այվազեան շեշտած էր, թէ Անգարան իր կարգին պէտք էր վերատեսութեան ենթարկէր իր կիրարկած մերժողական քաղաքականութիւնը։
Այսպէս Անվտանգութեան խորհուրդի քարտուղար Արա Գրիգորեան շրջանցած էր իր մասնակցութեամբ հաստատուած Ազգային անվտանգութեան ռազմավարութեան փաստաթուղթին մէջ ներառուած Թուրքիոյ վերաբերող կէտերը:
Հարցը կ՛առնչուի նոյեմբեր 9-ի յայտարարութեան 9-րդ կէտին, որ կը բանաձեւէ Հայաստանի վրայով Թուրքիան Ատրպէյճանին միացնելու միջանցքին:
Այս դէպքերու լոյսին տակ, Երեքշաբթի, Մարտ 29-ին Անվտանգութեան խորհուրդի շէնքին դիմաց Հ․Յ․Դ․-ի անդամները բողոքի ցոյց կազմակերպեցին: Անոնք անոնք արտայայտեցին իրենց ցասումն ու զայրոյթը։ Գեղամ Մանուկեան յայտարարեց, որ Անվտանգութեան խորհուրդը իր քարտուղարով դարձած է Հայաստանի մէջ Թուրքիոյ դեսպանատուն. «Իսկ Անվտանգութեան խորհուրդի քարտուղար Արմէն Գրիգորեանը այլեւս հանգիստ կրնայ ըսել, որ Հայաստանի մէջ Թուրքիոյ դեսպանն է»:
Հայ Դատի կեդրոնական խորհուրդը, այս կատարուածին լոյսին տակ, հրատարակեց յայտարարութիւն, նշելով, որ այսօր ալ Թուրքիան կը շարունակէ բացայայտ թշնամական քաղաքականութիւն վարել Հայաստանի Հանրապետութեան ու համայն հայութեան նկատմամբ, եւ ասոր ամէնէն ակնառու դրսեւորումը արցախեան վերջին պատերազմին Թուրքիոյ պետական կառավարման ռազմաքաղաքական համակարգի եւ թրքական զինուժի բացայայտ եւ լայնածաւալ ներգրաւումն էր:

Be the first to comment

Leave a Reply

Your email address will not be published.


*