Սողոմոն Թեհլիրեանի Հերոսութեան Հարիւրամեակ

0 0
Read Time:1 Minute, 42 Second

ԵՐԵՒԱՆ.- Մարտ 15-ին, նշուեցաւ 100-ամեակը Սողոմոն Թեհլիրեանի հերոսութեան, որ գետին փռած էր Օսմանեան կայսրութեան նախկին վարչապետ, Հայոց Ցեղասպանութեան գլխաւոր ոգեշնչող եւ կազմակերպիչ Թալէաթ փաշան։

Թեհլիրեանի հերոսական արարքին նկատմամբ իրենց յարգանքը արտայայտելու համար, Հայ Յեղափոխական Դաշնակցութեան անդամներ այցելեցին Թեհլիրեանի յուշարձանը եւ ծաղիկներ զետեղեցին: Յուշարձանը կը գտնուի Աջաբնեակ համայնքի` Շինարարներու փողոցին մէջ եւ կը պատկանի քանդակագործ Լեւոն Թոքմաճեանին։

Հ․Յ․Դ․ Բիւրոյի անդամ Արսէն Համբարձումեան այս առիթով յայտնեց, որ հաւաքուած են իրենց յարգանքը մատուցելու ու խոնարհելու հայ ազգի վրիժառու բազուկի խորհրդանիշ հայորդիին յիշատակին դիմաց։ Ան յայտնեց, թէ 1919ի Դաշնակցութեան Ընդհանուր ժողովը որոշեց վրէժխնդիր ըլլալ եւ հաշուեյարդար տեսնել Հայոց Ցեղասպանութեան կազմակերպիչներուն եւ դաւաճաններուն նկատմամբ: Իբրեւ գործադրութիւն այդ որոշման, ծրագրուեցաւ աննախընթաց գործողութիւն մը, որուն իբրեւ արդիւնք քանի մը տարիներու ընթացքին, բազմաթիւ նուիրեալ հայորդիներու ջանքերով, աշխարհի տարբեր վայրերու մէջ ոչնչացուեցան բազմաթիւ թուրք ոճրագործներ: Սողոմոն Թեհլիրեան այդ երիտասարդներէն մէկն էր, ըսաւ Արսէն Համաբարձումեան՝ աւելցնելով, որ ան դարձաւ խորհրդանիշը հայկական արդարահատոյցի: «Ուղիղ 100 տարի առաջ այս օրը Պերլինում Սողոմոն Թեհլիրեանը դիմահար կրակոցով գնդակահարեց Հայոց Ցեղասպանութեան ոճրագործներից մէկին` Թալէաթին: Այդ ճիւաղի գնդակահարումը արդարահատոյցն էր հայ ժողովրդի կոտորածների, հայրենազրկման ու տառապանքների», շեշտեց ան։

Այս առթիւ, Ազգային ժողովի Բաղրամեան պողոտայի մուտքին, Հ․Յ․Դ․-ի երիտասարդներ իրենց հետ բերած Շահան Նաթալիի «Թուրքերը Եւ Մենք» գիրքը ուզեցին ձգել Ազգային ժողովի մուտքին, որպէսզի փոխանցեն «Իմ Քայլը» խմբակցութեան:

«Այսօր Սողոմոն Թեհլիրեանի հերոսութեան 100-ամեակն է: Ուզում ենք «Թուրքերը Եւ Մենք» գիրքը նուիրել «Իմ Քայլը» խմբակցութեանը: Վստահ եմ, որ այս ֆրակցիայի մեծ մասը այսօրուայ կարեւորութեան եւ «Նեմեսիս» գործողութեան մասին տեղեակ չէ, տեղեակ լինելուց էլ շատ անտարբեր է: Վստահ եմ, եթէ իրենք այդ ժամանակ հայկական իրականութեան մէջ լինէին դերակատարողներ, «Նեմեսիս» գործողութիւնը տեղի չէր ունենայ, եւ եթէ դերակատարող էլ չլինէին, որպէս չակերտաւոր ասած` մարդասէրներ եւ թրքասէրներ կը դատապարտէին «Նեմեսիս» գործողութիւնը։ Ամէն ժամակահատուած` այդ ժամանահատուածին բնորոշ պատիժ է եղել եւ «Իմ Քայլը» թող իրենց մէջ գտնեն դաւաճաններին եւ սպասեն այսօրուայ ժամանակաշրջանին համապատասխան պատժին, որովհետեւ այս իշխանութիւնները դաւաճանական գործողութիւն է իրականացրել` Նիկոլ Փաշինեանի գլխաւորութեամբ», յայտնեց Հ․Յ․Դ․-ի անդամ Գոռ Սարգսեան:

 

 

Երիտասարդները նշեցին, որ գիրքը այսօրուան իրականութեան եւ թուրքերուն հետ բարեկամութեան մասին է, իսկ այսօրուան կեղծ խաղաղասիրութեան առաջամարտիկներն էին, որոնք երկիրը հասցուցին այս վիճակին:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post Հ․Յ․ Դաշնակցութեան Բիւրոյի Յայտարարութիւնը Մոսկուայի Մարտ 16, 1921-ի Ռուս-Թրքական Պայմանագրի 100-ամեակի Կապակցութեամբ
Next post Լոյս Տեսաւ Հ․Յ․Դ․ Պաշտօնաթերթ «Դրօշակ»-ի Գ․ Համարը

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles