Արցախի Հ․Յ․Դ․ Երիտասարդականները Մաքրեցին Շուշիի Հրասայլ-Յուշարձանի Տարածքը  

0 0
Read Time:1 Minute, 5 Second

ՍՏԵՓԱՆԱԿԵՐՏ («Ապառաժ»)․- Յունուար 28-ին, հայրենեաց պաշտպանի օրը, Հ․Յ․Դ․ Արցախի Երիտասարդական Միութեան խումբ մը անդամներ,  այցելեցին Ստեփանակերտի Եղբայրական գերեզմանոց եւ յարգանքի տուրք մատուցեցին հայրենիքի պաշտպանութեան ժամանակ զոհուած նահատակներու յիշատակին: Միութեան անդամները բարձրացած են Շուշիի հրասայլ-յուշարձանին մօտ։ Պատերազմի օրերուն յուշարձանի տարածքը ենթարկուած էր հրետակոծութեան, վնասուած էր նաեւ բուն յուշարձանը եւ ակնյայտ էր, որ անկէ ետք այնտեղ մաքրութեան եւ վերականգնման աշխատանքներ չէին կատարուած: Միութեան անդամները տեղւոյն վրայ որոշած են յուշարձանին տարածքը մաքրել աղբէն, քարերէն ու աւազէն:

Ներկայիս յուշարձանը կը գտնուի պատերազմէն ետք հաստատուած սահմանին մօտ։ Հ․Յ․Դ․ Արցախի երիտասարդականի անդամ Վահագն Խաչատրեանի խօսքով՝ Շուշիի հրասայլ-յուշարձանը յաղթանակի խորհրդանիշ է եւ իրենք յաճախ՝ տօնական օրերուն՝ կ՝այցելեն այնտեղ: Իսկ այժմեան անմխիթար վիճակը չէր կրնար անտարբեր ձգել երիտասարդները: «Թէեւ թշնամիի տիրապետութեան տակ անցած, այնուամենայնիւ, Շուշին եւ Շուշիի հրասայլ-յուշարձանը կը շարունակեն համարուիլ հայ ազգի յաղթանակի եւ վերածնունդի խորհրդանիշ։ Սերունդները պէտք է շարունակեն դաստիարակուիլ յաղթողի հոգեբանութեամբ, եւ շարունակեն պայքարիլ պատմական արդարութեան վերականգնման համար։ Ցաւը մեծ է, բայց մենք պարտաւոր ենք վերագտնելու մեզի եւ տէր կանգնելու մեր երկրին ու մեր արժէքներուն։ Ասիկա կը պատգամէ ՀՅԴ Արցախի Երիտասարդական միութեան նախաձեռնութիւնը, որմով աւելի արժեւորեցինք այս օրը»,- նշեց Վահագն Խաչատրեան:

Հ․Յ․Դ․ Արցախի Երիտասարդական Միութեան անդամները յոյս յայտնեցին, որ մաքրութեան աշխատանքներէն ետք համապատասխան մարմինները պիտի զբաղին վերանորոգման աշխատանքներով: Աւարտին, երիտասարդները այցելեցին շարք մը դիրքեր եւ զինուորները շնորհաւորեցին հայրենեաց պաշտպանի օրուան առիթով:

 

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post Գարեգին Նժդեհի Ցեղակրօնութեան Հաւատամքը Եւ Թաղումը Ըստ Իր Բաղձանքին
Next post Թափանցումը Որպէս Տիրապետութեան Ուղիղ Ճանապարհ (Բ․)

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles