Յարգանքի Տուրք` Արամ Մանուկեանի Յիշատակին

ԵՐԵՒԱՆ.- Ուրբաթ, Յունուար 29-ին, Հայաստանի Առաջին Հանրապետութեան հիմնադիրներէն Արամ Մանուկեանի յիշատակի օրը, դաշնակցական եւ պետական մեծ գործիչի արձանին մօտ յարգանքի տուրք մատուցած եւ ծաղիկներ խոնարհած են Հ.Յ.Դ.-ի անդամները:

Հ.Յ.Դ. Բիւրոյի անդամ Արսէն Համբարձումեան ըսաւ, որ հաւաքուած են իրենց խոնարհումը բերելու նորագոյն ժամանակաշրջանի հայոց պատմութեան ամէնէն կարկառուն, ամէնէն երեւելի, միաժամանակ նաեւ տակաւին քիչ գնահատուած մեծագոյն հայու` Արամ Մանուկեանի յիշատակին:

«20-րդ դարու սկիզբը, երբ կը թուէր, թէ հայութիւնը ուժեղ հարուած ստացած է եւ վերականգնելու որեւէ առիթ եւ կարելիութիւն չկայ իբրեւ ազգ, իբրեւ ժողովուրդ, Արամն էր եւ Արամի նման մտածող գործիչներն էին, որ անձեւ քաոսէն կերտեցին պետականութիւն, վերականգնեցին հաւատքը, յոյսը եւ կրցան իրենց օրինակով, անձնուէր աշխատանքով ապացուցել, որ կարելի է կերտել պետականութիւն, այս շրջանին մէջ կրկին վեր յառնել: Այն աւանդը, որ ունեցած է Արամ Մանուկեանը մեր պետականութեան մէջ, դեռ խորապէս արժեւորուած չէ 20-րդ դարու սկիզբը, երբ հայութիւնը ցեղասպանուած էր եւ մենք ամէն ինչ կորսնցնելու վտանգի առջեւ կանգնած էինք, եթէ կրցանք մեր մէջ ուժ գտնել, հաւատալ մեր սեփական ուժերուն, այսօր աւելի կարելի է մէկ կողմ ձգել այս հիասթափութիւնները, անկումային տրամադրութիւնները եւ հաւատալ մեր ուժերուն, հաւատալ մեր ժողովուրդի արարող ուժին, մեր պետականութեան եւ կերտել այնպիսի հայրենիք, որուն համար հպարտ պիտի ըլլանք բոլորս: 20-րդ դարու սկիզբը, երբ հայութիւնը ցեղասպանուած էր եւ մենք ամէն ինչ կորսնցնելու վտանգի առջեւ կանգնած էինք, եթէ կրցանք մեր մէջ ուժ գտնել, հաւատալ մեր սեփական ուժերուն, այսօր աւելի կարելի է մէկ կողմ ձգել այս հիասթափութիւնները, անկումային տրամադրութիւնները եւ հաւատալ մեր ուժերուն, հաւատալ մեր ժողովուրդի արարող ուժին, մեր պետականութեան եւ կերտել այնպիսի հայրենիք, որուն համար հպարտ պիտի ըլլանք բոլորս», ըսաւ Արսէն Համբարձումեան:

 

 

Be the first to comment

Leave a Reply

Your email address will not be published.


*