Նորագիրներ Անցան Հ.Յ.Դ.-ի Եւ Հ․Ե․Մ․-ի Շարքերը

ԵՐԵՒԱՆ.- Հայոց բանակի տօնին առիթով,, հոծ բազմութիւն մը այցելեց Եռաբլուր զինուորական պանթէոնը։

Յունուար 28-ին, Հ․Յ․Դ․ Երեւանի Քաղաքային կոմիտէի նախագահ, նուիրեալ ազատամարտիկ, կամաւորական վաշտերու կազմին մէջ մարտնչած եւ Արցախի հիւսիսային դիրքերուն վրայ հերոսաբար նահատակուած Գեղամ Մուշեղեանի շիրիմին այցելած մարտական, կուսակցական ընկերները մասնակցեցան նաեւ օրուան խորհուրդին առիթով նախաձեռնուած խոստման եւ երդման աւանդական արարողութիւններուն:

Խոստման եւ երդման արարողութեամբ Հ․Յ․Դ․ Հայաստանի Երիտասարդական Միութեան եւ Դաշնակցութեան շարքերը անցան քանի մը տասնեակ նորագիրներ:

«Կը թուի, թէ մահը վերջակէտ է ամէն ինչի: Բայց եկուր ու տես, որ հիմա մեր ներկայութիւնը Գեղամ Մուշեղեանի շիրիմի կողքին կը հակասէ այդ կարծիքին: Դաշնակցականի, հայ ազատամարտիկի համար նահատակութենէն ետք դեռ ընելիքներ կան։ Դաշնակցութեան շարքերը անցնելով` ձեր առջեւ դռներ պիտի չբացուինք, զանոնք պէտք է դուք բանաք` ձեր ամուր կամքով: Դուք պիտի ըլլաք թիրախ արտաքին եւ ներքին թշնամիներու համար: Բայց դուք պիտի չվհատիք, որովհետեւ դուք զինուած էք գաղափարախօսութեան եւ հաւատքի սուրով ու վահանով», իր խօսքին մէջ նշեց նորագիրներու կնքահայր, Հ․Յ․Դ․ կամաւորական գումարտակի հրամանատար, ազատամարտիկ Հարմիկ Յովսէփեան:

Be the first to comment

Leave a Reply

Your email address will not be published.


*