Հայրենիքի Փրկութեան Շարժումի Հանդիպումը՝ Արարատի Շրջանին Մէջ

0 0
Read Time:1 Minute, 6 Second

ԵՐԵՒԱՆ․- Յունուար 26-ին, Արարատի մշակոյթի կեդրոնի դահլիճին մէջ տեղի ունեցաւ Վազգէն Մանուկեանի եւ Հայրենիքի փրկութեան շարժումի ներկայացուցիչներու հանդիպումը արարատցիներուն հետ: Վազգէն Մանուկեան ըսաւ, որ նման վտանգաւոր իրավիճակի մէջ չենք եղած վերջին հարիւր տարուան ընթացքին` դիտել տալով, որ բոլորը չեն, որ կը պատկերացնեն, թէ ի՛նչ վիճակի մէջ ենք ներկայիս:

Ան նշեց, որ պատերազմ եղաւ, բայց մենք պատերազմ տեսած ենք 90-ականներուն, պատերազմին կը մասնակցէր ամբողջ ժողովուրդը եւ ժողովուրդը գիտէր, թէ ի՛նչ կը կատարուի ռազմաճակատին վրայ, իսկ աւարտին փայլուն յաղթանակ ունեցանք: «Այս պատերազմը այդպիսին չէր, Ատրպէյճանը կը պատրաստուէր յաղթելու, մենք կը պատրաստուէինք պարտուելու, ինչո՞ւ կ՛ըսեմ` մենք կ՛երթայինք դէպի պարտութիւն, 2018-էն սկսաւ բանակի ջարդը, փտածութեան դէմ պայքարի անունին տակ սկսան տարբեր զօրավարներ ձերբակալել, քրէական գործեր յարուցել, կոտրեցին ամբողջ Արցախի ղեկավարութիւնը, դուրս մղեցին զօրավարները եւ բանակին մէջ արդէն անվստահութիւն եղաւ։ ․․․Ասիկա դիտաւորեալ պարտուած պատերազմ էր, իսկ դիտաւորութեան պատճառը Արցախէն ազատիլն էր: Այն, որ Նիկոլը կ՛ըսէր, թէ ինք կեցուց պատերազմը, սուտ է, իրեն Ռուսիան պարտադրեց, որովհետեւ եթէ մենք ամբողջութեամբ կորսնցնէիք Արցախը, Ռուսիան այստեղ ընելիք պիտի չունենար, խաղաղապահ զօրք իրաւունք պիտի չունենար այստեղ դնելու եւ պիտի կորսնցնէր Անդրկովկասը: Ռուսիոյ շահը պարտադրեց, որ Նիկոլը ստորագրէ այդ փաստաթուղթը եւ կեցնէ պատերազմը, այն ինչ որ կարելի էր ընել շաբաթներ, օրեր առաջ», ըսաւ Վազգէն Մանուկեան:

Ան շեշտեց, որ կ՛ընթանային գաղտնի բանակցութիւններ, որոնց պատճառով ոչ թէ պարտուեցաւ Շուշին, այլ Շուշին յանձնեցին թշնամիին:

 

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post «ՊՈՒԼԻՍՏՆԵՐ»ՈՒ ՆԱԽԱԳԱՀ ԺԷԺԷ ՔԷՇԵԱՆ ՓԱՌԱՒՈՐՈՒԱԾ Է
Next post ԲԱՆԱԿ, ՄԱՐՏՈՒՆԱ՛Կ ԲԱՆԱԿ

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles