ԳԵՐԻՆԵՐՈՒ ՀԱՐՑԸ ԿԸ ՄՆԱՅ ԱՆԼՈՒԾԵԼԻ


ԵՐԵՒԱՆ.- Մարդու իրարունքներու եւրոպական դատարանին մէջ ռազմագերիներու շահերու ներկայացուցիչ, իրաւապաշտպան Սիրանուշ Սահակեան, թէ դատարանը առաջնահերթութիւն տուած է հայ գերիներու վերաբերող գործերու քննութեան, առ այդ, այդ գործերը աւելի կարճ ժամկէտներու ընթացքին պիտի քննուին:
Իրաւապաշտպան Սահակեան նշեց, որ Ատրպէյճանի կառավարութիւնը Մարդու իրաւունքներու եւրոպական դատարանին մէջ պաշտօնապէս ընդունեց որոշ անձերու գերութեան հանգամանքները:
Ըստ Սահակեանի՝ Հայաստանի քաղաքացիները պիտի պաշտպանուին իրաւական գործընթացներով, սակայն Ատրպէյճան պիտի փորձէ ձգձգել գործընթացը:
«Մարդու իրարունքներու եւրոպական դատարանը ամփոփել է տուեալները եւ, բացայայտելով որոշակի խնդիրներ, լրացուցիչ հարցադրումներ է յղել Ադրբեջանի կառավարութեանը: Սպասում ենք այդ հարցերի առնչութեամբ Ատրպէյճանի դիրքորոշմանը։ Յստակեցման կարիք ունի Խծաբերդում 62 զինուորականների կարգավիճակը: Մեր գնահատմամբ` նրանք դասական ռազմագերիներ են, ի հարկէ, չենք բացառում, որ Ատրպէյճանը գնալու է շահադիտութիւններու եւ այդպէս պատկեր ստանալու նպատակով փորձելու է միջազգային հանրութեանը նրանց ներկայացնել որպէս ահաբեկիչներ, յանցագործներ», ըսաւ Սահակեան:
Միւս կողմէն, Ա․Մ․Ն․-ի նորանշանակ արտաքին գործոց նախարար նշանակուած Էնթընի Պլինքըն, Ծերակոյտին մէջ տեղի ունեցած իր հարցաքննութենէն ետք, կը շարունակէ գրաւոր պատասխաններ առաքել ծերակուտականներու հարցումներուն։
Արցախի նորագոյն պատերազմին գերիներուն վերադարձին մասին հարցումի մը պատասխանելով՝ Պլինքըն գրած է հետեւեալը․ «Միացեալ Նահանգները, համագործակցելով եւրոպացի գործընկերներուն հետ՝ առաջնորդող դեր պիտի ստանձնէ տագնապին մնայուն լուծում մը գտնելու ջանքերուն մէջ, ներառեալ՝ պատերազմի գերիներու վերադարձը ապահովելու աշխատանքներուն մէջ։ Պաշտօնը ստանձնելուս պարագային, պիտի խթանեմ Միացեալ Նահանգներու ներգրաւուածութիւնը` գտնելու Արցախի տագնապի մնայուն լուծումը, որ պիտի ապահովէ Արցախի ապահովութիւնը եւ պիտի օգնէ կանխարգիլել նոր պատերազմի փռնկումը»:
Իսկ, Ծերակոյտի Արտաքին յարաբերութիւններու յանձնախումբի ատենապետ Ռապըրթ Մենենտէս, իր կարգին դատապարտեց Արցախի վրայ ատրպէյճանական յարձակումին մէջ Թուրքիոյ սադրիչ գործողութիւնները եւ Պաքուն զինելու Անգարայի անպատասխանատու քայլերը։ Ան նաեւ դատապարտեց Ատրպէյճանի պատերազմական ոճիրները: Մենենտէս յիշեցուց Անգարայի ապակայունացնող քաղաքականութիւնը՝ Սուրիայէն մինչեւ Լիպիա եւ Արցախ, ինչպէս նաեւ լրագրողներու եւ իրաւանց պաշտպաններու շարունակուող քրէական հետապնդումները Թուրքիոյ մէջ:
Մենենտէս ցաւ յայտնեց, որ Թրամփի անպատասխանատու կեցուածքին հետեւանքով, Անգարա ազատօրէն շարունակեց իր արարքները՝ վնասներ պատճառելով իր դրացիներուն:

Be the first to comment

Leave a Reply

Your email address will not be published.


*