Ուաշինկթընի Մէջ.- Ա․Մ․Ն․ Նախագահ Պայտընի Երդման Արարողութիւնը


ՈՒԱՇԻՆԿԹԸՆ․- Չորեքշաբթի, Յունուար 20-ին տեղի ունեցաւ Միացեալ Նահանգներու նորընտիր նախագահ Ճօ Պայտընի երդման արարողութիւնը։
Այս հանդիսութեան ներկաներուն թիւը կրճատուած էր` զգուշանալով պսակաձեւ ժահրի տարածումէն, եւ արարողութիւնը կատարուեցաւ Ազգային պահակագունդի շուրջ 25 հազար անդամներու հսկողութեան տակ:
Երկու շաբաթ առաջ, Քոնկրէսի շէնքին դէմ գործող նախագահ Տանըլտ Թրամփի համակիրներուն կողմէ գործուած յարձակումէն ետք, ապահովական միջոցներ առնուած էին։
Վայրին շուրջ 4,6 մղոնի ապահովական գօտի մը հաստատուած էր: Արարողութենէն ետք «Քափիթոլ Հիլ»-էն Սպիտակ Տուն տողանցք եւս չկատարուեցաւ:
Պայտըն ապահոված էր մօտաւորապէս 75 միլիոն քուէներ, նոր մրցանիշ մը հաստատելով երկրին պատմութեան մէջ։ Իսկ Քամալա Հերիս դարձաւ Միացեալ Նահագներու առաջին կին, սեւ եւ հնդիկ-ամերիկացի փոխնախագահը, որ նաեւ առաջին սերունդի ներգաղթողներու զաւակ է։

Be the first to comment

Leave a Reply

Your email address will not be published.


*