Արցախի Արտաքին Գործոց Նախարար Դաւիթ Բաբայեանը Ընդունեց Հ․Յ․Դ․ Ներկայացուցիչները

ՍՏԵՓԱՆԱԿԵՐՏ․- Յունուար 18-ին, Արցախի Հանրապետութեան արտաքին գործոց նախարար Դաւիթ Բաբայեան ընդունեց Հ․Յ․Դ․ Հայաստանի Գերագոյն մարմինի ներկայացուցիչ Իշխան Սաղաթէլեանն ու ՀՅԴ Արցախի Կեդրոնական կոմիտէի ներկայացուցիչ, Արցախի Ազգային ժողովի «Դաշնակցութիւն» խմբակցութեան անդամ Դաւիթ Իշխանեանը:

Կողմերը քննարկեցին ատրպէյճանական-ղարաբաղեան տագնապի լուծման եւ շրջանային վերջին զարգացումներուն վերաբերող շարք մը հարցեր:

Երկուստեք կարեւոր նկատեցին համազգային նշանակութեան խնդիրներու շուրջ միտքերու փոխանակումն ու քննարկումներու ծաւալումը:

Be the first to comment

Leave a Reply

Your email address will not be published.


*