Փաշինեան Չկրցաւ Մուտք Գործել Սիւնիք

ԵՐԵՒԱՆ.- Նախատեսուած էր, որ Դեկտեմբեր 21-ին վարչապետ Նիկոլ Փաշինեան այցելութիւն կատարէ Սիսիան, Գորիս, Կապան, Քաջարան եւ Մեղրի եւ զրուցէ սիւնեցիներուն, սակայն, ան  կրցաւ հասնիլ միայն Սիսիան: Յայտնելով իրենց ցասումը, տեղացիք փակեցին դէպի Սիւնիք տանող ճամբան։

Այս կացութեան լոյսին տակ, վարչապետը յայտարարեց, որ պիտի ընդհատէ իր այցելութիւնը, որովհետեւ չի փափաքիր, որ բախումներ հրահրուին ճամբաները փակած քաղաքացիներուն հետ:

Վարչապետին Սիսիան այցելութիւնն ալ հեզասահ չընթացաւ: Երբ ան մուտք գործեց Սուրբ Գրիգոր Լուսաւորիչ եկեղեցի, հոգեւոր հովիւ տէր Պարգեւը  մերժեց սեղմել անոր ձեռքը եւ քաղաքավարութեամբ դուրս հրաւիրեց եկեղեցիէն։

 

 

Be the first to comment

Leave a Reply

Your email address will not be published.


*