Արամ Ա. Կաթողիկոս Ընդունեց Հ. Յ. Դաշնակցութեան Բիւրոյի Ներկայացուցիչը

ՊԷՅՐՈՒԹ.- Երկուշաբթի, Դեկտեմբեր 21-ին, Արամ Ա. Վեհափառ Հայրապետին այցելեց Հայ Յեղափոխական Դաշնակցութեան Բիւրոյի ներկայացուցիչ Յակոբ Տէր Խաչատուրեանը, ընկերակցութեամբ Բիւրոյի անդամ Յակոբ Խաչերեանի եւ Լիբանանի Կեդրոնական Կոմիտէի ներկայացուցիչ՝ երեսփոխան Յակոբ Բագրատունիի։

Աւելի քան երկու ժամ տեւած հանդիպումը առիթ հանդիսացաւ անդրադարձ կատարելու յատկապէս Արցախի պատերազմին եւ անոր հետեւանքներուն Արցախի ու Հայաստաանի մէջ՝ քաղաքական, ընկերային ու տնտեսական մարզերէն ներս։

Հանդիպման ընթացքին նաեւ քննարկուեցան Սփիւռքի գաղութներուն եւ մասնաւորաբար Լիբանանի հայութեան հետ աղերս ունեցող մտահոգութիւններ ու ծրագիրներ։

Be the first to comment

Leave a Reply

Your email address will not be published.


*