Լոյս Տեսաւ Հ․Յ․Դ․ Պաշտօնաթերթ «Դրօշակ»-ի 11-րդ Համարը

Նոյեմբերի 19-էն ի վեր համացանցի վրայ է Հ․Յ․Դ․ Բիւրոյի պաշտօնաթերթ «Դրօշակ»-ի 11-րդ համարը, որուն մեծ մասը նուիրուած է Արցախի պատերազմին եւ անոր հետ առնչուող իրադարձութիւններուն:

Ծաւալուն հարցազրոյցի մը մէջ, Հ․Յ․Դ․ Բիւրոյի անդամ Յակոբ Խաչերեան կ՛անդրադառնայ պատերազմին եւ անոր նախորդող ու յաջորդող իրադարձութիւններուն` մանրամասնութիւններ եւ մեկնաբանութիւններ ներկայացնելով՝ Հ․Հ․ իշխանութեան ու մասնաւորապէս երկրի վարչապետի քայլերու վերաբերեալ: Հարցազրոյցին մէջ, կը ներկայացուին մանրամասնութիւններ եւ գնահատականներ, խնդրոյ առարկայ յայտնի իրադարձութիւններու վերաբերեալ:

Պաշտօնաթերթը կը ներկայացնէ նաեւ պատերազմի սկսելէն ժամեր անց, Երեւանի մէջ, Արամ Մանուկեանի արձանի դիմաց տեղի ունեցած Հ․Յ․Դ․ կամաւորներու համախմբման ժամանակ, «կամաւորական շարժում»-ի նախագահ Հրանդ Մարգարեանի ելոյթը:

Պաշտօնաթերթի սոյն համարին մէջ զետեղուած է նաեւ Հ․Յ․Դ․ Բիւրոյի Նոյեմբեր 12-ի յայտարարութիւնը, որուն մէջ բռնօրէն կը քննդատուի Հ․Հ․ Վարչապետին ստորագրած խաղաղութեան հաստատման վերաբերեալ պարտուողական ու նուաստացուցիչ յայտարարութիւնը։

Կը ներկայացուին յօդուածներ, ուր պատերազմի թէժ շրջանին արտացոլուած են Ռուսաստանի, Վրաստանի եւ Ֆրանսայի քաղաքական պաշտօնական շրջանակներու դիրքորոշումները յիշեալ իրադարձութիւնների վերաբերեալ:

Վաչէ Բրուտեանը քննելով նորանկախ Հայաստանի քաղաքական եւ գաղափարական հենքի հարցը ցաւով կը նշէ, որ անցեալի ուսանելի փորձը ներկայի իրարայաջորդ կառաւարողները չփորձեցին ուսումնասիրել եւ իւրացնել ու այդ ճանապարհին մնացին վտանգաւոր խարխափումների մէջ:

Անցեալի դասերու առումով ուշագրաւ զուգահեռներ կը ներկայացնէ պատմաբան Անի Մելքոնեանը` անդրադառնալով 1920 թուականի ճիշտ այս նոյն ժամանակաշրջանին, Հայաստանի դէմ ձեռնարկուած թրքական յարձակումին:

Կարելի է այս թիւը կարդալ սեղմելով․-  Դրօշակ թիւ 11 2020

Be the first to comment

Leave a Reply

Your email address will not be published.


*