Հ.Յ.Դ. Արեւելեան Ա.Մ.Ն.-ի Կառոյցը Աւելի Քան Երկու Թոն Բժշկական Պիտոյքներ Ուղարկեց Երեւան


ՆԻՒ ՃԸՐԶԻ․- Հ․Հ․ առողջապահութեան նախարարութեան տրամադրած ցուցակը հազիւ ստացած, Հ.Յ.Դ. Արեւելեան Ա.Մ.Ն.-ի Կեդրոնական Կոմիտէն ստեղծեց նուիրատուութեան առցանց հարթակ: Ձեռք բերուած բժշկական անհրաժեշտ պիտոյքներն ու կազմածները աւելի քան երկու թոն (շուրջ 250 տուփ) կը կշռեն եւ առաքուած են Հայաստան։
Հ.Յ.Դ. Արեւելեան Ա.Մ.Ն.-ի անդամ Անի Չաղլասեանի խօսքերով` բժշկական այս օգնութիւնը կը ծառայէ իր նպատակին․ “Այսօր մենք պէտք չէ ջանք ու եռանդ խնայենք Արցախին եւ Հայաստանին օժանդակելու համար: Մեր բանակը մեր սահմանները կը պաշտպանէ։ Շարունակ թիկունք պէտք է կանգնինք”։
Այս նախաձեռնութիւնը կարելի եղաւ իրականացնել կամագործակցաբար Նիւ Ճըրզիի Հ․Յ․Դ․ “Դրօ” կոմիտէի, Ռիճֆիլտի Սուրբ Վարդանանց հայ առաքելական եկեղեցւոյ, Հայ Ամերիկեան Առողջապահական Մասնագէտներու Կազմակերպութեան (AAHPO) եւ Հայ Բժշկական Միջազգային Կոմիտէի (AMIC) հետ:

Be the first to comment

Leave a Reply

Your email address will not be published.


*