Նախագահներ՝ Սարգսեան Եւ Մաքրոն Կը Շեշտեն Զինադադարի Պահպանման Անհրաժեշտութիւնը

0 0
Read Time:56 Second

ՓԱՐԻԶ․- Հոկտեմբեր 23-ին, Ֆրանսա ժամանեց Հ․Հ․ նախագահ Արմէն Սարգսեանը եւ Արցախի հակամարտութեան գօտիին իրավիճակը քննարկեց Ֆրանսայի իր պաշտօնակից՝ Էմանուէլ Մաքրոնին հետ։

Սարգսեան շնորհակալութիւն յայտնեց Մաքրոնին՝ նշելով, որ Հայաստանը բարձր կը գնահատէ ԵԱՀԿ Մինսքի խումբի համանախագահ Ֆրանսայի եւ անձամբ նախագահ Մաքրոնի ջանքերն ու դիրքորոշումը հակամարտութեան կարգաւորման հարցով: Ան ընդգծեց, որ Ատրպէյճանի կողմէ Թուրքիոյ աջակցութեամբ Արցախի նկատմամբ սանձազերծուած լայնածաւալ ռազմական յարձակումը կը շարունակուի, թիրախ կը դառնան Արցախի բնակավայրերը, խաղաղ բնակչութիւնը եւ քաղաքացիական ենթակառուցուածքները, որուն հետեւանքով կան զոհեր ու վիրաւորներ քաղաքացիական բնակչութեան մէջ։

Հայաստանի նախագահը մտահոգութիւն յայտնեց Թուրքիոյ կողմէ Ատրպէյճանին ցուցաբերուող ռազմաքաղաքական աջակցութեան առնչութեամբ, ընդգծելով, որ Թուրքիոյ՝ իբրեւ երրորդ կողմ աւելի կը սրէ իրավիճակը եւ կը վտանգէ տարածաշրջանի կայունութիւնն ու անվտանգութիւնը: Արմէն Սարգսեան ըսաւ, որ տարածաշրջանի համար առանձնակի սպառնալիք են Թուրքիոյ կողմէ Ատրպէյճան բերուած եւ այնուհետեւ այդ երկրի բանակի կազմին մէջ Արցախի դէմ ռազմական գործողութիւններուն մասնակցող ծայրայեղ կրօնամոլ ահաբեկիչները, որոնք, չի բացառուիր, որ ժամանակ մը ետք յայտնուին նաեւ այլ երկիրներու մէջ, ինչպէս` նաեւ Եւրոպայի:

Նախագահները համակարծիք եղան, որ հակամարտութեան խաղաղ կարգաւորումը այլընտրանք չունի, եւ կարեւորած են զինադադարի հաստատման շուրջ ձեռք բերուած համաձայնութիւններու իրականացման անհրաժեշտութիւնը: Մաքրոն նոյնպէս մտահոգութիւն յայտնեց շարունակուող ռազմական գործողութիւններուն եւ ստեղծուած իրավիճակին առնչութեամբ:

 

 

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post ՎԱՂՈՒԱՆ ՀԱՇՈՒԵԿՇՌԻՆ ՄԷՋ ՏԵՂ Կ’ՈՒՆԵՆԱՅ ՄԻԱՅՆ ԱՐԴԻՒՆՔԸ…ԵՒ ՈՉ ՊԱՌԱԿՏՈՒՄՆԵՐԸ
Next post «Ղարաբաղի Տագնապը…Սկսած Է Ցեղային Առճակատումէ», Յայտնեց Փութին

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles