Հ․Հ․ Օդուժին «Սուխոյ-25»-ը Վար Առնուեցաւ Թրքական «Էֆ-16»-ին Կողմէ

Հ․Հ․ օդուժի պատկանող “Սուխոյ-25” մը

ԵՐԵՒԱՆ․- Հ․Հ․ պաշտպանութեան բանակի մամուլի խօսնակ Շուշան Ստեփանեան, շտապ հաղորդագրութեամբ մը, տեղեկացուց, թէ Թուրքիոյ օդուժին պատկանող «Էֆ-16» կործանիչ-հալածիչի կողմէ, Հ․Հ․ օդային տարածքին մէջ, վար առնուած է Հ․Հ․ օդուժին պատկանող «Սուխոյ-25» գրոհիչը:

Հաղորգադրութեան մէջ կը նշուի․ «Այսօր ժամը 10:30-էն Թուրքիոյ Հանրապետութեան ռազմաօդային ուժերուն պատկանող  ՛՛Էֆ-16՛՛ կործանիչները թռիչք առած էին Ատրպէյճանի “Քեանժա”  օդակայանէն եւ կ՛ապահովէին Ատրպէյճանի  “Դալեար” օդակայանէն Հ․Հ․ Վարդենիսի տարածաշրջանին մէջ տեղակայուած Հ.Հ. բնակավայրերու եւ ցամաքային ստորաբաժանումներու ուղղութեամբ, Ատրպէյճանի “Սուխոյ-25” եւ թրքական արտադրութեան “Պայրաքթար” անօդաչու օդանաւով ռմբահրթիռային հարուածները: Տուեալ ժամանակահատուածում Հ․Հ․ զօրքերու ստորաբաժանումներուն կրակային աջակցման մարտական խնդիրներ կը կատարէր մեր օդուժը: Մարտական խնդիրը կատարելու ատեն հակաօդային եւ օդային մարտերու ընթացքին Թուրքիոյ Հանրապետութեան օդային ուժերու ՛՛Էֆ-16՛՛ կործանիչի կողմէ Հ․Հ․ օդային տարածքին մէջ խոցուած է Հ․Հ․ օդային ուժերու “Սուխոյ-25” գրոհիչը:  Օդաչուն, ցաւօք, հերոսաբար նահատակուած է:  Թուրքիոյ ՛՛Էֆ-16՛՛ կործանիչը, ըստ դիտարկման, գտնուած է 60 քլմ․ խորութեան, 8200 մեթր բարձրութեան վրայ»:

Be the first to comment

Leave a Reply

Your email address will not be published.


*