Մոնրէալի Մէջ` Կոմիտաս Վարդապետի Կիսանդրի


ՄՈՆՐԷԱԼ․- Սեպտեմբեր 4-ին, Հայ կեդրոնի մուտքին մօտ, տեղի ունեցաւ Կոմիտաս վարդապետի կիսանդրիի բացման արարողութիւնը։ Կիսանդրիի հեղինակը քանդակագործ դոկտ. Մկրտիչ Տարաքչեանն է:

Բացման հանդիսութեան հանդէս եկաւ Հ․Յ․Դ․ Բիւրոյի ներկայացուցիչ Յակոբ Տէր Խաչատուրեան եւ յայտնեց, թէ․-«Կը կատարենք բացումը յուշարձանի մը, որ մեր միասնութիւնը կը խորհրդանշէ` արեւմտահայ ծագումով, Էջմիածինի մէջ ծառայած, Արեւմտահայաստան աշխատած, Եւրոպա ուսանած մեր սիրելի Կոմիտասի կերպարը, որ ինքնին հոյակապ ներկայացուցիչն է միասնական հայութեան, որ ոչ միայն լսեց ու բերաւ հայկական երգերը, վերծանեց, մշակեց ու հայացուց, նաեւ զատեց օտար խազերէ ու ելեւէջներէ»:

Գանատահայ արուեստագէտ տոքթ Տարագճեանի գործերը կը գտնուին Գանատայի, Միացեալ Նահանգներու եւ Հայաստանի զանազան հանրային հաստատութիւններու մէջ։ Իր կերտած,Գանատահայ համբաւաւոր լուսանկարիչ Եուսուֆ Քարշի յուշարձանը, կանգնեցուած է Գանատայի մայրաքաղաք Օթթաուայի կեդրոնը, իսկ Մոնրէալի Մոն Ռոյալ ընտրատարածքի քաղաքապետարանի հանրային գրադարանին առջեւ զետեղուած է «Ընթերցողը» կերպարին մեծադիր արձանը։

 

Be the first to comment

Leave a Reply

Your email address will not be published.


*