ՊԷՅՐՈՒԹԸ ԹՈՒՐՔԵՐՈՒՆ ՀԱՄԱՐ ՉԷ՛… * 

0 0
Read Time:1 Minute, 1 Second

Գրեց՝ Տոքթ. Պետրոս Աֆէեան

Անգլերէնէ թարգմանեց՝ Յարութիւն Մըսրլեան

Օգոստոս 24, 2020

 Պէյրութը յափշտակման առարկայ չէ՛, ո՛չ իսկ հիւսիսէն արշաւող  խեչափառներուն կամ ծովային հրէշներուն համար:

Պէյրութը Օսմանեան չէ՛: Ո՛չ ալ ինքնազօր խաղալիք մը, որը իր դրացիներուն կողմէ լարուած՝ արեւին տակ այրող ու ճչացող երախաներուն հանդէպ կատարուած ոճիրը իբր զուարճութիւն կը ներկայացնէ ուրիշներուն:

Պէյրութը սուրիացիներուն համար չէ՛, ո՛չ ալ քիւրտերուն: Ան իր հարաւի բարեկամ-դրացիներուն հրասայլերուն եւ ռատիոկայանի հաղորդումներ լռեցնող հրթիռներուն համար չէ՛: Ոչ ալ թուղթի կտոր մը՝  Ֆրանսայի եւ Անգլիոյ յետոյքները սրփող: Անոնք սրճարաններու մէջ իրենց քաղաքավարի  վերաբերմունքով, նստած կը լրտեսեն մեծ Ռուս Արջին եւ անոր քաուպօյ  ընկերներուն վրայ:

Պէյրութը ծանօթ էր  կախարդութեան: Իւրացուցած էր հոտառութիւնը: Եւ պարիկներու պորտախաղով կը պատրաստէր աստուածներու խնճոյքին հոլանի սփռումը: Պէյրութը ծանօթ էր իր բազմալեզու խմբերգային համերգներով՝ տրուած ծովեզերքներու եւ կանաչ, սպիտակ եւ կարմրագոյն  լեռներու վրայ, նախանձ ստեղծելով օտար եւ սոսկալի, անգութ, չարամիտ եւ ատելութեամբ լեցուն ներխուժողներուն մէջ:

Պէյրութը կ’արիւնի իր հանդէպ չարութիւն ցանկացողներուն սնանկութեան  պատճառով: Կ’արիւնի Ծոցին, ծովուն եւ օդին պատճառով: Բայց եւ այնպէս, 18 խոստովանութիւններ միասնաբար եւ հազուագիւտ կեցուածքով, դարձեալ պիտի երգեն միաձայն ու անվախ.

Պէյրութի շերտաւորման ու անդամահատման իրաւունքը Թուրքիոյ չի՛ պատկանիր՝ Պէյրութը հեռու պահելու Իրանէն, Թեհրանէն ու դժոխքէն…:

*Լոյս տեսած է “Armenian Interests” առցանց շաբաթաթերթին Օգոստոս 23, 2020-ի համարին մէջ:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post Վերանկախացման Եւ Արցախեան Պայքարի Մեր Ուղին.- Հայ Դատի Ամբողջական Ռազմավարութեան Անհրաժեշտութիւն
Next post Նշուեցաւ Աշոտ Ղուլեանի Նահատակման 28-ամեակը

Average Rating

5 Star
0%
4 Star
0%
3 Star
0%
2 Star
0%
1 Star
0%

One thought on “ՊԷՅՐՈՒԹԸ ԹՈՒՐՔԵՐՈՒՆ ՀԱՄԱՐ ՉԷ՛… * 

  1. Մէկը եթէ աս գրութիւնը հեռույէն կարդա, կըսէ որ գրողը շատ խելացի է եւ իրաւունք ունի: Լիբանանի մէջը եղողը գիտէ, որ ամմէն կողմերը չես կրնար մէկ տոպրակի մէջը դնել: Մէկ կէտի մը մէջը իրաւունք կուտամ. Լիբանանին պէտք չէ որ դոպրսէն խառնեն, հապա օգնեն, ատի ալ աս աշխարհիս մէջը չըլլար հիմա

Leave a Reply

Your email address will not be published. Required fields are marked *

Social profiles