ԿՈՉ


Արեւելեան Ա.Մ.Ն.-ի  Հայութեան

Սիրելի հայրենակիցներ,
Ողջ աշխարհը ցնցուած է Օգոստոս 4-ին Լիբանանի մայրաքաղաք Պէյրութը հարուածած սարսափելի պայթիւնէն: Այս ահաւոր աղէտը հարուածեց նաեւ լիբանանահայ գաղութը, բազմաթիւ հայրենակիցներ զոհուած ու վիրաւորուած են, քանդուած են մշակութային, միութենական, կրթական ու եկեղեցական հաստատութիւններ, հազարաւոր հայորդիներու բնակարաններ ու գործատեղիներ վնասուած են: Սոյն աղէտը բազմապատկեց լիբանանահայութեան նախապէս ալ դիմագրաւած բազում դժուարութիւնները:

Առ այդ, Հ.Յ.Դ. Արեւելեան շրջանի Կեդրոնական Կոմիտէն խորին ցաւակցութիւնները կը յայտնէ զոհուածներու հարազատներուն, շուտափոյթ ապաքինում վիրաւորներուն եւ կոչ կ’ուղղէ մեր գաղութի հայութեան բոլոր հայրենակիցներուն, միութիւններուն ու հաստատութիւններուն, որ իրենց նուիրատուութիւններով անյապաղ օգնութեան ձեռք մեկնեն աղէտեալ լիբանանահայութեան:

Մեր ակնկալութիւնն է, որ արդէն ամիսներէ ի վեր շրջանիս մէջ սկիզբ առած աշխատանաքը, իւրաքանչիւրիդ աջակցութեամբ, յաւելեալ թափով պիտի շարունակուի Հ.Օ.Մ.-ի Ա.Մ.Ն. Արեւելեան Շրջանային Վարչութեան եւ Ամերիկայի Մշակութային Հիմնարկի հետեւեալ երկու հասցէներու միջոցով, որոնց հասոյթները ի վերջոյ պիտի հասնին նոյն հասցէին ու ծառայեն լիբանանահայութեան վէրքերու ամոքման:

https://givebutter.com/acaa_lebanon
https://arseastusa.org/donate/

Հ.Յ.Դ. Արեւելեան Շրջանի
Կեդրոնական Կոմիտէ

Ուաթըրթաուն, Մասաչեուսէց

Օգոստոս 6, 2020

Be the first to comment

Leave a Reply

Your email address will not be published.


*