Սարսափազդու Պայթում ՝ Պէյրութի Մէջ

ՊԷՅՐՈՒԹ․- Երեքշաբթի Օգոստոս 4-ի երեկոյեան, սարսափազդու պայթում մը ցնցեց Լիբանանի մայրաքաղաքը։ Ըստ հաւաստի աղբիւրներու՝  նաւահանգիստը ամբողջովին քանդուած է, իսկ այնտեղ գտնուող ցորենի շտեմարանը հրոյ ճարակ դարձած է։ Նախքան մեծ պայթումը, տեղի ունեցած Են համեմատաբար երկու փոքր  պայթումներ:

Նախնական տուեալներով վիրաւորուած եւ մահացած են շուրջ չորս հազար  քաղաքացիներ։ Նաւահանգիստին մօտակայ, հայահոծ Պուրճ Համմուտն ալ մեծ վնասներ ստացած է։

Մեծի Տանն Կիլիկիոյ Արամ Ա. Վեհափառ Հայրապետը, քանի մը միաբան հայրերու ընկերակցութեամբ  ուղղուեցաւ Պուրճ Համմուտի հայահոծ թաղամասերը:

Նորին Սրբութունը տեղւոյն քաղաքապետին եւ պատասխանատու մարմիններու ներկայացուցիչներուն հետ, որոնց կարգին երեսփոխան՝ Յակոբ Բագրատունի եւ Հ․Յ․Դ․ Բիւրոյի ներկայացուցիչ՝  Յակոբ Խաչերեան, շրջեցաւ  թաղերը,  հանդիպում ունեցաւ վիրաւոր հայորդիներու հետ, օրհնեց զանոնք ու բարի ապաքինում մաղթեց անոնց եւ մօտէն ծանօթացաւ տիրող կացութեան:

Այս հսկայ պայթումին հետեւանքով Անթիլիասի Մայրավանքը եւս կրեց նիւթական մեծ վնասներ: Այսպէս, վնասուեցան Մայր Տաճարի դռները, ջահերը, պատուհանները, նոյնպէս՝ Վեհարանի, հայագիտական ու մանկավարժական կեդրոններու, ինչպէս նաեւ “Կիլիկիա” թանգարանի:

 

 

Be the first to comment

Leave a Reply

Your email address will not be published.


*