Ատրպէյճանական Ուժեր Կը Շարունակեն Խախտել․․․

0 0
Read Time:1 Minute, 0 Second

ԵՐԵՒԱՆ․- Յուլիս 12-էն սկսեալ, Տաւուշի ուղղութեամբ ատրպէյճանական ուժեր կը շարունակեն ռմբակոծումներն ու Հայաստանի պետական սահմանը խախտելու փորձերը:
Հ․Հ․ պաշտպանութեան նախարարութեան մամլոյ բանբեր Շուշան Ստեփանեան տեղեկացուց, որ Յուլիս 14-ի գիշերը Հայաստանի զինուած ուժերու մարտական դիրքերէն դիտարկուած է թշնամիի հրասայլի շարժ, որ հայկական կողմէն արձակուած կրակով կասեցուած է: Ատրպէյճանական ուժեր ռմբակոծած են Չինարի շրջանը:
Հայաստանի պաշտպանութեան նախարարութիւնը հրապարակեց Ատրպէյճանի «Elbit Hermes 900» անօդաչու թռչող սարքի խոցման տեսանիւթը: Նախարարութեան հրապարակած տեսանիւթին մէջ կ՛երեւին, թէ ինչպէ՛ս Հայաստանի զինուած ուժերու ծառայողներու արձակած հրթիռը կը խոցէ ատրպէյճանական անօդաչու թռչող սարքը, որ
Ատրպէյճանի զինուած ուժերուն պատկանող ամէնէն թանկարժէք ու կարեւոր անօդաչու սարքերէն մէկն է եւ կ՛արժէ 30 միլիոն տոլար:
Հայաստանի Հանրապետութեան բանակը իր կարգին, առաջին անգամ ըլլալով մարտական պայմաններուն մէջ գործածած է հայկական արտադրութեան մարտական անօդաչու թռչող սարքեր:
Հայաստանի պաշտպանութեան նախարարութիւնը տեղեկացուց, որ հայ-ատրպէյճանական պետական սահմանագօտիի հիւսիսարեւելեան հատուածին մէջ թշնամիին արձակած կրակոցներէն նահատակուած են հազարապետ Գարուշ Համբարձումեան, հարիւրապետ Սօս Էլպակեան, տասնապետներ՝ Սմբատ Գաբրիէլեան եւ Գրիշա Մաթէոսեան:
Միւս կողմէ, Արցախի պաշտպանութեան բանակը հաղորդագրութեամբ մը հաստատեց, որ Արցախի եւ Ատրպէյճանի հակամարտ զօրքերու շփման գիծին մէջ յարաբերական կայուն վիճակ կը տիրէ: Սահմանապահ ստորաբաժանումները կը շարունակեն ուշադրութեամբ հետեւիլ սահմանագիծին մէջ տեղի ունեցող զարգացումներուն եւ պատրաստ են, անհրաժեշտութեան պարագային, ձեռնարկելու իրավիճակէն բխող համարժէք գործողութիւններու:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post «Միշտ Պատրաստ Ենք Մեր Բոլոր Հնարաւորութիւններն Ու Կարողականութիւնը Ի Սպաս Դնել Հայրենիքին Ու Հայութեան Անվտանգութեան Եւ Զարգացումին».- Հ.Յ.Դ. Բիւրոյի Յայտարարութիւն
Next post ՀԱՅՈՑ ԲԱՆԱԿԻՆ ՊԱՏԺԻՉ ԳՈՐԾՈՂՈՒԹԻՒՆՆԵՐԸ ՑՆՑԵՑԻՆ ՊԱՔՈՒԻ ԻՇԽԱՆՈՒԹԻՒՆՆԵՐԸ

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles