Լիբանանահայութեան Դէմ Հրահրուած Գրգռութիւններ

0 0
Read Time:1 Minute, 4 Second


ՊԷՅՐՈՒԹ․- Յունիս 10-ին, Լիբանանի պատկերասփիւռի կայանէ մը սփռուած յայտագիրին, որուն ընթացքին լիբանանահայ յայտնի հաղորդավար Նշան Տէր Յարութիւնեան հիւրընկալած էր նախկին նախարար Ուիամ Ուահապը, ընկերային ցանցերու ճամբով ցեխարձակման ենթարկուեցաւ, երբ գրառում ուղարկողը Նշանը որակեց իբրեւ գաղթական, ծայրայեղ եւ անոր վերագրեց Թուրքիոյ նախագահ Ռեճեփ Թայիպ Էրտողանը օսմանցի աղուէս կոչելը։
Այս նամակը վրդովեցուց դարաւոր հարուստ պատմութիւն ունեցող եւ ջարդէն ճողոպրած վերապրած հայու մը, այս պարագային հայ հաղորդավարին սիրտը: Անգամ մը եւս հայու արիւնը եռաց անոր երակներուն մէջ, եւ տեղւոյն վրայ իր հակազդեցութիւնը պոռթկումի ճամբով կարծես անգամ մը եւս աշխարհին ուզեց յիշեցնել, որ լիբանանահայերն ու սփիւռքի տարբեր գաղութներու մէջ ապրող հայերը արդար դատ ունին եւ միշտ պահանջատէր են: Նշան Տէր Յարութիւնեանի այս հակազդեցութիւնը դիմատետրի վրայ մեծ աղմուկ բարձրացուց, եւ բողոքի ցոյց կատարուեցաւ, այսպէս կոչուած, օսմանցի լիբանանցի զանգուածներուն կողմէ` ընդդէմ կայանին եւ հաղորդավար Նշան Տէր Յարութիւնեանին:
Բնականաբար այս բողոքի ալիքն ու ամբողջ բեմագրութիւնը թրքական սադրանքի արդիւնք էր: Յայտագիրի ընթացքին արդէն նախկին նախարար Ուահապ անդրադարձաւ եւ նշեց, որ Թուրքիան յատկապէս Լիբանանի քաղաքական կեանքին կ՛ուզէ միջամտել եւ իր կշիռը ունենալ:
Լիբանանեան կուսակցութիւններու եւ անձնաւորութիւններու համախմբումը, գումարեց կեդրոնական նիստ մը, որուն ընթացքին խստիւ դատապարտեց լիբանանեան ներքին հարցերուն մէջ թրքական միջամտութիւնները, որոնք կը դրսեւորուին կարգ մը քանդիչ խմբաւորումներու կողմէ համայնքային սադրանքներու նախապատրաստութեամբ:
Համախմբումը կտրականապէս մերժեց շրջանառութեան մէջ դրուած բոլոր տեսանիւթերը, որոնք համայնքային սադրանքներ կը սերմանեն եւ լիբանանահայութեան դէմ գրգռութիւններ կը հրահրեն:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post “Անհրաժեշտ Է Ներազգային Համերաշխութիւն ․․․”, Կը Յայտնէ Հ.Յ.Դ. Բիւրոյին Ներկայացուցիչ Յակոբ Տէր Խաչատուրեան
Next post “Բագին”-ի Բացառիկ․- Վեհանոյշ Թեքեան

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles