Նոր Ժամանակներու Ճեմարանը

0 0
Read Time:1 Minute, 6 Second

ՀՐԱԿ ՏԷՏԷԵԱՆ

Միայն Ճեմարանի բովէն անցնող հայ ուսանողը, որ ապրած, տեսած, փորձարկած ու շնչած է ճեմարանի օդն ու շունչը, անոր ազգային ու գաղափարական ոգին, կրնայ վկայել, որ ա՛յն, ինչ որ կու տայ ճեմարանը, ազգային է` իրաւամբ, լաւագոյնն է կրթութեամբ եւ իր բարոյական ու մարդկային դաստիարակութեամբ եւ նոր ժամանակներու միջոցներով` սերունդներ կերտող, սերունդներ պատրաստող ու սերունդներ թրծող: Եթէ դիտենք սփիւռքեան մեր իրականութեան մէջ անցեալէն մինչեւ ներկայ, պիտի տեսնենք յանձնառու հայերու հսկայ փաղանգ մը, որ զբաղեցուցած է եւ կ՛առաջնորդէ մեր ազգային եւ միութենական կառոյցները ամէնուրեք: Ճեմարանը կը փոխանցէ ոգին, կու տայ դաստիարակութեան եւ կրթութեան լաւագոյն պատրաստութիւնը եւ կը պատրաստէ ազատ եւ անկախ մտածողութիւն ունենալու յատկանիշը, միաժամանակ, մտածող հայ, ազգային ոգիով ապրող հայ նոր սերունդներ: Ճեմարան աւարտող հայ ուսանողը կը դառնայ լաւ հայ, իսկական հայ, առաքինի հայ եւ հպարտ հայ:

Վերոյիշեալ ըսուածները մեզ կ’առաջնորդեն հետեւեալ եզրակացութեան. որքան ալ դժուարին ըլլայ յանձնառու հայուն զոհողութիւնը, ճեմարանը կը պատրաստէ զոհողութեան տիպար մարդը, որ ի գին ամէն դժուարութեան, գիտակցօրէն կ’ընտրէ իր ժողովուրդին, իր Դատին, իր ապագային համար պայքարի ուղին:

Կը մնանք հպարտ` ճեմարանէն ստացած մեր թէ՛ ուսումով եւ թէ՛ ազգային ջիղով:

Այս բոլորով հանդերձ եւ մեկնելով ներկայ ժամանակներու դժուարին հրամայականներէն ու մեր ժողովուրդին մեծածաւալ կարիքներէն, հարկ է կրկնապատկել ուժերը եւ մեր յանձնառութիւնը, որպէսզի արդարացնենք մեր վրայ դրուած յոյսերը, ճեմարանին մեզմէ ակնկալուած նուիրումը:

Ծանօթ.- Ճեմարանի նուիրահաւաքին մասնակցելու համար սեղմել հետեւեալ կապը` www.djemaran.edu.lb/donate

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post Ճեմարանի 90-ամեակ
Next post ՆՈՒԻՐԵ՛ՆՔ…

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles