Աւստրիոյ Ազգային Խորհուրդը Վաւերացուց Հայաստան-Եւրոպական Միութիւն Համաձայնագիրը

0 0
Read Time:1 Minute, 25 Second

ՎԻԵՆՆԱ.- Աւստրիոյ Ազգային խորհուրդը միաձայնութեամբ վաւերացուց Հայաստան-Եւրոպական Միութիւն Համապարփակ եւ ընդլայնուած գործընկերութեան համաձայնագիրը:

Աւստրիա-Հարաւային Կովկաս պատգամաւորական խումբի նախագահ Կունտրուն Քուկլեր այս գծով կը յայտնէ, թէ.-

«Իբրեւ Աւստրիա-Հարաւային Կովկաս պատգամաւորական խումբի նախագահ, որ Ատրպէյճանի եւ Վրաստանի հետ կը ներառէ նաեւ Հայաստանը, կ’ուզեմ անդրադառնալ օրակարգի առաջին հարցին, որ կը  վերաբերի Եւրոպական Միութեան եւ Հայաստանի միջեւ Համապարփակ եւ ընդլայնուած գործընկերութեան համաձայնագիրի վաւերացման:…Այս համաձայնագիրը, որուն  կողմերն են Եւրոպական Միութիւնը եւ Հայաստանը, եւ զոր կը վաւերացնեն Եւրոպական Միութեան անդամ երկիրները, ունի երկու ուղղուածութիւն, որոնցմէ առաջինը` ժողովրդավարութեան ամրապնդումն է: … երկրորդ կարեւոր բաղադրիչը ազատ առեւտուրն է. Հայաստան յատուկ դերակատարութիւն ունի Եւրասիական տնտեսական միութեան եւ Եւրոպական միութեան միջեւ յարաբերութիւններուն մէջ: Հայաստանի համար երկու ուղղութիւններով լաւ յարաբերութիւնները կարեւոր են: Հայաստան աշխարհագրականօրէն բարդ դրութեան եւ ծանր հակամարտութեան մէջ է իր երկու դրացիներուն հետ: Երկրին մէջ կը բնակին 3 միլիոն մարիկ, եւս 3 միլիոն հայեր կը բնակին Եւրոպայի մէջ, որոնցմէ հինգ հազարըշ Աւստրիոյ քաղաքացի են: Արդէն նշեցի մեր բազմադարեայ կապին մասին: Շուրջ 200 տարիէ ի վեր, Վիեննայի մէջ կը գտնուի Մխիթարեան միաբանութեան եկեղեցին` իր հրաշալի թանգարանով եւ գրադարանով:…Վիեննայի մէջ  կը գտնուի նաեւ Հայ եկեղեցւոյ Եւրոպայի թեմի եպիսկոպոսին նստավայրը: Համագործակցութեան առումով, Հայաստան մեզի համար կեդրոնական երկիր է: Ելոյթս աւարտեմ 1915-1916 թուականներուն տեղի ունեցած Ցեղասպանութեան մասին խօսքով. դժբախտաբար, բոլոր պետութիւնները չեն, որոնք ճանչցած են Ցեղասպանութիւնը: Երեւանի մէջ Ցեղասպանութեան յուշահամալիրին մէջ կը փողփողին Ցեղասպանութիւնը ճանչցած 32 պետութիւններու դրօշները: Անոնց կարգին հպարտութեամբ կը տեսնենք նաեւ Աւստրիոյ դրօշը: Անոր համար շնորհակալութիւն պէտք է յայտնենք մեր նախորդ գումարման խորհրդարանի խմբակցութիւններուն: Հայաստանի համար շատ կարեւոր է Ցեղասպանութեան ճանաչումը: Մեզմէ շատերը Ցեղասպանութեան մասին գիտեն Ֆրանց Վերֆելի «Մուսա Լերան 40 Օրերը» վէպէն: Վստահ եմ, որ այսօր օրակարգի վրայ գտնուող վաւերացման ենթակայ 7 համաձայնագիրներու շարքին կը վաւերացուի նաեւ Հայաստան-Եւրոպական Միութիւն համափարփակ եւ ընդլայնուած համագործակցութեան մասին համաձայնագիրը»:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post Շնորհաւո՛ր Մայիս 28
Next post ԿԵԴՐՈՆԱԿԱՆՑԻ ԱՐՄԵՆԱԿ ՀԱՅ ԴՊՐՈՑԻ ՄԸ ՀԱՅԵՐԷՆԻ ՈՒՍՈՒՑՉՈՒՀԻԻՆ ՀԱՆԴԻՊԵՐ Է

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles