Արցախի Մէջ Մայիս 28-ի Նշում

0 0
Read Time:2 Minute, 54 Second

ՍՏԵՓԱՆԱԿԵՐՏ.- Հայաստանի անկախութեան տօնին առթիւ, Մայիս 28-ին, Հ.Յ.Դ. Արցախի Կեդրոնական կոմիտէի նախաձեռնութեամբ` կազմակերպուեցաւ ձեռնարկ եւ երդման արարողութիւն:

Հ.Յ.Դ. մարմիններու անդամներ, երիտասարդներ Ստեփանակերտի «Նիկոլ Դուման» կեդրոնէն երթով ուղղուեցան դէպի Բեկորի յուշակոթողը, որուն դիմաց տեղի ունեցանխոստման ու երդման արարողութիւններ: Հ.Յ.Դ. Արցախի կառոյցն ու  երիտասարդական միութեան շարքերը համալրուեցաւ նորագիրներով:

Տօնական օրը շարունակուեցաւ խարոյկի շուրջ՝ նշելով մայիսեան յաղթանակները եւ հայոց պետականութեան վերականգնումը:

Հ.Յ.Դ. Արցախի Կեդրոնական Կոմիտէի անդամ Սերգէյ Շահվերտեան, շնորհաւորելով շարքերը անցած երիտասարդները՝ նշեց, որ Դաշնակցութիւնը միատեսակ, միակերպ մտածելակերպով կը համախմբէ աշխարհով մէկ սփռուած հայերը: «Կան բազմաթիւ, բազմանպատակ երիտասարդական միութիւններ, բայց դուք բացառիկ եք, որովհետեւ դուք միաւորւում էք սրբազան գաղափարի շուրջ եւ սկսում էք մաս կազմել համահայկական կազմակերպութեան», յայտնեց Շահվերտեան:

Հ.Յ.Դ. շարքերը անցած ընկերներուն կնքահայրը ազատամարտիկ Հրաչ Թադէոսեանն էր: Ան ներկաները շնորհաւորելով Մայիս 28-ի ազգային-պետական կարեւորագոյն տօնին առիթով՝ վստահութիւն յայտնեց, որ որպէս նախորդներու շարունակութիւն, նոր սերունդն ալ իր նպաստը պիտի բերէ պետութեան կայացման, ամրացման, հզօրացման գործին:

Թադէոսեան խորհրդանշական համարեց երդման արարողութեան վայրը, քանի որ Աշոտ Բեկորի նման հայրենիքի զաւակներ պարգեւած մարդիկ անպարտելի են: «1918-ին պետականակերտման գործի շարունակութիւնը եղաւ Արցախեան շարժումը եւ անկախութեան հռչակումը: Եւ թէպետ շատ թանկ գնով, բայց այդ յաջողութիւնը ամրագրուեց նաեւ Արցախի հինաւուրց եւ սրբազան տարածքում: Մեր նոր սերնդի ներկայացուցիչները՝ երիտասարդները, պէտք է աւելի ուշադիր լինեն եւ ներկայ լրահոսի, զանազան թիւրիմացութիւնների այս տեղապտոյտի մէջ կարողանան ճշմարիտ արժէքները գնահատել եւ ընթանան իրենց սրտի թելադրած ճանապարհով», յայտնեց Թադէոսեան:

Երդման արարողութենէն ետք խօսք առաւ ՀՅԴ Արցախի Կեդրոնական Կոմիտէի ներկայացուցիչ Դաւիթ Իշխանեանը, որ նշեց, թէ դաշնակցական ըլլալը բաւական ծանր ու պատասխանատու առաքելութիւն է: Ան անդրադարձաւ օրուան խորհուրդին՝ կարեւոր նկատելով դարաւոր պայքարէ ետք հայոց պետականութեան վերականգնումը:

«Մայիսի 28-ին վերականգնուեց դարերով կորցուած պետականութիւնը, որը մեր երազների, նպատակների մարմնացումն է: Այս օրերին աշխարհի տարբեր վայրերում, ուր կայ հայութիւն եւ բնականաբար Դաշնակցութիւն, տօնւում է Մայիսի 28-ը: Բայց որտեղ էլ տօնուի, բոլորի ուշադրութիւնն անկեղծօրէն սեւեռուած է Արցախի վրայ, ոչ թէ այն առումով, որ այստեղ ձեւաւորւում է նոր իշխանութիւն, այլ այն առումով, թէ ինչ ուղղութեամբ է շարժուելու Արցախը: Մեզանից իւրաքանչիւրը պէտք է գիտակցի իր առաքելութիւնը, մեզնից իւրաքանչիւրի վրայ կայ այդ պարտականութիւնը», աւելցուց Իշխանեան՝ վստահութիւն յայտնելով, որ ոչ միայն նորագիրները, այլ նաեւ տասնամեակներ շարունակ ծանր պատասխանատուութիւն կրող դաշնակցական ընկերները, համակիրները, Հ.Օ.Մ.-ուհիները, առիթներ ունեցած են եւ դեռ պիտի ունենան պատուով իրականացնելու այդ առաքելութիւնը:

Նաեւ Երեւանի Մէջ

Հ․Յ․Դ․ Բիւրոյի, Հայաստանի Գերագոյն մարմինի, Երեւանի Քաղաքային կոմիտէի եւ վարչական շրջաններու կոմիտէութիւններու անդամները Մայիս 28-ի առիթով այցելեցին Հայաստանի Ա. Հանրապետութեան հիմնադիր Արամ Մանուկեանի եւ քաղաքական, ռազմական ու պետական գործիչ Գարեգին Նժդեհի յուշարձանները:

Հ․Յ․Դ․ Հայաստանի Գերագոյն մարմինի ներկայացուցիչ Իշխան Սաղաթէլեան լրագրողներուն հետ ունեցած զրոյցին ընթացքին ընդգծեց, որ այս օրը ո՛չ միայն Դաշնակցութեան, այլեւ ամբողջ հայ ժողովուրդին համար կարեւոր եւ պատմական նշանակութիւն ունի:

«Հակառակ անոր որ Հայաստանի Ա. Հանրապետութեան գոյութիւնը կարճ տեւեց` ընդամէնը 30 ամիս, բայց անոր դերը եւ նշանակութիւնը շրջադարձային եւ հայ ժողովուրդին համար», շեշտեց Սաղաթէլեան` աւելցնելով, որ Ցեղասպանութիւն տեսած, իր հայրենիքին մեծագոյն մասը կորսնցուցած ժողովուրդը կրցաւ իր մէջ ուժ գտնել, կամք գտնել եւ 1918-ի Մայիսին հիմնադրել Ա. Հանրապետութիւնը` մինչ այդ կասեցնելով թշնամիին գրոհը Բաշ Ապարանի, Սարդարապատի եւ Ղարաքիլիսէի մէջ:

Անդրադառնալով Դաշնակցութեան վաստակը ստուերող կարծրատիպերուն` Իշխան Սաղաթէլեան պատասխանեց` վկայակոչելով Խորհրդային Միութեան մէջ 70 տարի շարունակ ստեղծուած ժապաւէնները, գրականութիւնը, կեղծ պատմութիւնը, որ տարիներ շարունակ փորձեց վարկաբեկել Հայ յեղափոխական դաշնակցութիւնը, որ Հայաստանի Ա. Հանրապետութեան ծնունդի գլխաւոր քաղաքական ուժերէն մէկն էր:

«Մեր նորօրեայ սերունդին համար չափորոշիչ եւ ուղենիշ պէտք է ըլլայ այն արժեհամակարգը, որ կը կրէին Ա. Հանրապետութեան մեր նուիրեալները», նշեց Իշխան Սաղաթէլեան` յիշեցնելով այն դժնդակ տարիները, երբ Մայիս 28-ն, այս փառաւոր տօնը մարդիկ գաղտնի կը նշէին, առանձին, նոյնիսկ յաճախ կեանքով հատուցելով ատոր համար:

 

 

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post Յարգանքի Տուրք` Հայաստանի Ա. Հանրապետութիւնը Կերտած Հերոսներուն Յիշատակին
Next post ՊԻՆՑԵՏ ՀԻՄՆԱԴՐԱՄ՝ ՕԳՆԵԼՈՒ ՀԱՄԱՐ ԿՈՐՈՆԱՎԻՐՈՒՍԻ ՀԻՊՊՈԿՐԱՏ ՎԱՐՉԱՊԵՏԻՆ

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles