Յարգանքի Տուրք` Հայաստանի Ա. Հանրապետութիւնը Կերտած Հերոսներուն Յիշատակին

0 0
Read Time:4 Minute, 24 Second

Մայիսին 28-ին, Հայաստանի Հանրապետութեան եւ Արցախի Հանրապետութեան բարձրագոյն ղեկավարութիւնը եւ հոգեւոր դասը Սարդարապատի մէջ յարգանքի տուրք մատուցեցին Հայաստանի Առաջին Հանրապետութիւնը կերտած հերոսներու յիշատակին:

Այս պաշտօնական արարողութեան մասնակցեցան Հայաստանի Հանրապետութեան նախագահ Արմէն Սարգսեան, վարչապետ Նիկոլ Փաշինեան, Արցախի Հանրապետութեան նախագահ Արայիկ Յարութիւնեան, Ամենայն Հայոց Գարեգին Բ. կաթողիկոս եւ Հայաստանի Հանրապետութեան Ազգային ժողովի նախագահ Արարատ Միրզոյեան: Պսակաձեւ ժահրի համավարակին պատճառով, արգիլուած էր քաղաքացիներուն մուտքը Սարդարապատի յուշահամալիր:

Ծաղկեպսակներ զետեղուեցան Սարդարապատի յուշահամալիրի մօտ, ապա յարգանքի տուրք մատուցուեցաւ` տէրունական աղօթքով:

Հայաստանի Հանրապետութեան նախագահ Արմէն Սարգսեան շնորհաւորական հետեւեալ ուղերձը յղեց Հանրապետութեան տօնին առիթով.-

«Սիրելի՛ հայրենակիցներ,

Այսօր կը նշենք Հանրապետութեան տօնը` Հայաստանի Ա. Հանրապետութեան հիմնադրման տարեդարձը:

Հայոց պետականութիւնը վերականգնեցաւ միջազգային բարդագոյն իրադրութեան պայմաններուն մէջ, երբ դեռ կը մոլեգնէր Համաշխարհային Ա. պատերազմը, որուն ամէնէն արիւնալի ճակատներէն մէկը դարձած էր բուն Հայաստանը` իր Արեւմտեան եւ Արեւելեան մասերով:

Պատերազմի քողին տակ Օսմանեան Թուրքիան արդէն տեղահանած եւ կոտորած էր միլիոնաւոր հայեր եւ վտանգի տակ դրած հայ ժողովուրդի բուն գոյութիւնը:

Այս օրհասական պայմաններուն մէջ, թուրք նուաճողներու դէմ Սարդարապատի, Բաշ Ապարանի եւ Ղարաքիլիսէի հերոսամարտերէն ետք, 1918-ի մայիս 28-ին հռչակուեցաւ Հայաստանի անկախութիւնը:

Առաջին Հանրապետութեան պատմական նշանակութիւնը անգնահատելի է:

Կիլիկեան Հայոց թագաւորութեան անկումէն աւելի քան 500 տարի անց վերականգնուեցաւ հայոց պետականութիւնը: Ատիկա սերունդներու երազանքն էր եւ ազգային-ազատագրական դարաւոր պայքարի արդիւնքը:

Երկրին մէջ ստեղծուեցաւ բազմակուսակցական ժողովրդավարական կառավարման համակարգ, հաստատուեցան քաղաքացիական ազատութիւններ, հաւասար ընտրական իրաւունքներ, ներառեալ` կիներու:

Սկիզբ դրուեցաւ պետական շինարարութեան, զարկ տրուեցաւ լուսաւորութեան, գիտութեան ու կրթութեան:

Ամէն կողմէ հայրենիք շտապեցին կարող ուժեր` իրենց ծառայութիւնը մատուցելու նորանկախ պետութեան:

Հայաստանը դարձաւ միջազգային գործօն, հաստատուեցան արտաքին կապեր, շարք մը երկիրներու մէջ նշանակուեցան Հայաստանի դեսպաններ եւ ներկայացուցիչներ:

Անկախ եւ միացեալ Հայաստանի ստեղծման նպատակը, որ 1919-ի մայիս 28-ին արձանագրուեցաւ նաեւ խորհրդարանի որոշման տեսքով, խտացումն էր ազգային դարաւոր պայքարի եւ գաղափարախօսութեան, ինչպէս նաեւ կը բխէր ժամանակի աշխարհաքաղաքականութենէն, որուն արդիւնքը եղաւ 1920-ի օգոստոս 10-ի Սեւրի պայմանագիրը:

Առաջին Հանրապետութեան փորձը, ձեռքբերումները եւ ձախողումները մեզի դասեր կու տան: Մեծագոյն դասը սեփական ուժերու վրայ յենիլն է, իսկ այդ ուժը գոյացնելու համար` ազգային գերագոյն նպատակ ձեւաւորելը եւ ատոր շուրջը համախմբուիլը:

Մեր ժողովուրդի ապահով, անվտանգ ու բարեկեցիկ ապագայի երաշխիքը պէտք է ըլլայ Հայաստանի` իբրեւ հայութեան համար աշխարհաքաղաքական ելակեդրոնի գաղափարախօսութեան իրագործումը:

Երկար դարեր մեզի միաւորած եւ ուղեկցած է միասնական հայրենիքի գաղափարը, որ կը փոխանցուի սերունդէ սերունդ:

Ան մեր ազգային մեծ ուխտն է, մեր քաղաքական եւ պատմական ժառանգութիւնը:

Մեր օրերուն ան կը դրսեւորուի Հայաստան-Արցախ-սփիւռք եռամիասնութեան տեսքով: Ղարաբաղեան հիմնախնդիրի խաղաղ եւ արդարացի լուծման եւ Հայոց ցեղասպանութեան ճանաչման եւ անոր հետեւանքներու վերացման հարցերը կը տեղաւորուին նոյն այդ հասկացութեան մէջ:

Մարդկութեան պատմական փորձը մեզի կ՛ուսուցանէ գործնական քաղաքականութիւնը վարել ըստ այդ պահուն առկայ պայմաններու եւ հնարաւորութիւններու, սակայն ազգային գերագոյն նպատակը շարժիչ ուժն է ազգի յառաջընթացի եւ յաջողութեան:

100 տարի առաջ այդ նպատակը միտքին եւ զէնքը ձեռքին մեր նախնիները անձնուէր կը պայքարէին Հայաստանի փրկութեան եւ անկախութեան համար:

1991-ի անկախութենէն ետք Հայաստանը աշխարհի մէջ վերագտած է իր ուրոյն տեղը: Ներկայ եւ յաջորդ սերունդներու պարտքը կերտած է կայուն, զարգացած եւ միասնական հայրենիք, որ իր հովանիին տակ կ՛առնէ ամբողջ հայ ժողովուրդը:

Կեցցէ՛ Մայիս 28-ը` Հայոց պետականութեան վերականգնման օրը:

Կեցցէ՛ Հայաստանի Հանրապետութիւնը:

Կեցցէ՛ Արցախի Հանրապետութիւնը:

Կեցցէ՛ համայն հայ ժողովուրդը:

Փա՛ռք յանուն հայրենիքի բոլոր նահատակներուն:

Աստուած պահապան բոլորիս»:

Հայաստանի վարչապետ Նիկոլ Փաշինեան շնորհաւորական հետեւեալ ուղերձը յղեց Հանրապետութեան տօնին առիթով.-

«1918 թուականի մայիսի 15-ին Ալեքսանդրապոլը գրաւելուց յետոյ մայիսի 21-ին թուրքական առաջապահ ուժերը հասել էին Սարդարապատ գիւղ եւ թւում էր` նրանք անխուսափելիօրէն մուտք են գործելու Էջմիածին ու Երեւան, եւ հայութեան մնացած հատուածն էլ դատապարտուելու է ոչնչացման:

Դրութիւնն օրհասական էր: Սակայն պէտք էր ոտքի կանգնել` ուժերի գերլարումով դիմակայելու մահաբեր գրոհին: Եւ հէնց Արամ Մանուկեանը դարձաւ հայութեան ոգու, կամքի ու ուժի մարմնաւորումը. միշտ արդարադատ ու վճռական Արամը յուսահատութեան այդ օրերին ասում էր. «Դէպի գործ եւ աշխատանք, ու յաղթողը մենք ենք լինելու»:

Յուսահատութիւնը շուտով փոխուեց ոգեւորութեան: Սարդարապատի, Բաշ Ապարանի ու Ղարաքիլիսայի հերոսական մարտերում հայ ժողովուրդը մէկընդմիշտ ամրագրեց իր տեղն աշխարհի քարտէզի վրայ. մայիսեան յաղթանակների շնորհիւ է, որ ստեղծուեց Հայաստանի Հանրապետութիւնը:

Սարդարապատի, Բաշ Ապարանի ու Ղարաքիլիսայի հերոսները դարձան Հայաստանի անկախութեան կերտողները: Յաւերժ փառք Արամ Մանուկեանին, Թովմաս Նազարբէկեանին, Մովսէս Սիլիկեանին, Դրոյին, Նժդեհին, Դանիէլ ու Պօղոս Բէկ Փիրումեաններին, եզդիական հեծեալ ջոկատի հրամանատար Ջհանգիր աղային, ողջ հայկական բանակին ու աշխարհազօրայիններին, զէնքը ձեռքին կռուող հոգեւորականներին:

1918 թուականի այսօրուայ Եռաբլուրի տարածքում Արամ Մանուկեանի նախաձեռնութեամբ աշխատում էին շուրջ 1500 կին ու տղամարդ, նրանք ամրացնում էին դիրքերը. Եռաբլուրը Երեւան քաղաքի պաշտպանական վերջնագիծն էր: Սարդարապատի յաղթական ճակատամարտը զերծ պահեց Երեւանը գրաւուելուց, իսկ Եռաբլուրը տարիներ անց դարձաւ իւրատեսակ ուխտատեղի` ոգեկոչելու Արցախի ազատութեան համար կեանքը նուիրաբերած հերոսների յիշատակը:

Այսօր մենք հաւատարիմ ենք Սարդարապատի եւ Արցախի յաղթական աւանդներին ու պատգամներին, հաւատացած ենք` ունենալու ենք մեր երազանքների Հայաստանը` արդար, բռնութիւնից զերծ, առաջխաղացման ու փոփոխութեան ձգտող ստեղծագործ հասարակութեամբ, ուժեղ տնտեսութեամբ ու էլ աւելի ուժեղ ու արդիական բանակով:

Սիրելի՛ հայրենակիցներ,

Արամ Մանուկեանը ասում էր. «… Դուք պիտի իմանաք, որ ես անուժ եմ առանց ձեզ: Հերոսը ինքը ժողովուրդն է եւ եթէ ժողովուրդը պատրաստակամութիւն ունի… աշխատել ու փրկել հայութիւնը վերահաս կործանումից, ապա իմ ու ինձ նման շատերի աշխատանքը ապարդիւն չի անցնի»:

Ուստի միասին դէպի գործ եւ աշխատանք, դէպի մեր երազանքների Հայաստան:

Համոզուած եմ, Հայաստանի Հանրապետութեան յաղթական քաղաքացին այլեւս երբեք թոյլ չի տայ պետականութեան կամ քաղաքացիութեան կորուստ, ինքնիշխանութեան եւ իրաւունքի կորուստ, հաւատի եւ լաւատեսութեան կորուստ:

Հայաստանի Հանրապետութիւնը երկիր մոլորակի վրայ պէտք է գոյութիւն ունենայ յաւիտեան, Հայաստանի դրօշը պէտք է յաւիտեան ծածանուի` խորհրդանշելով մեր ոգին ու հպարտութիւնը, մեր ազատութիւնն ու ինքնիշխանութիւնը:

Եւ ուրեմն` կեցցէ՛ ազատութիւնը,

Կեցցէ՛ Հայաստանի Հանրապետութիւնը.

Կեցցէ՛ Արցախի Հանրապետութիւնը.

Կեցցե՛ն Սարդարապատի, Բաշ Ապարանի, Ղարաքիլիսայի հերոսները.

Կեցցե՛ն Առաջին Հանրապետութեան հիմնադիր հայրերը.

Եւ կեցցե՛նք մենք եւ մեր երեխաները, որ ապրում ենք եւ ապրելու ենք ազատ եւ երջանիկ Հայաստանում»:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post Յիշելով Եւ Պահանջելով…Սրբազան Օրը
Next post Արցախի Մէջ Մայիս 28-ի Նշում

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles