Արեւելեան Ա․Մ․Ն․-ի Հայ Դատը Նշեց  Շուշիի Ազատագրութեան 28-ամեակը

0 0
Read Time:52 Second

ՈՒԱԹԸՐԹԱՈՒՆ․- Շաբաթ, Մայիս 9-ի երեկոյեան ժամը 6։00-ին, արեւելեան Ա․Մ․Ն․-ի Հայ Դատի յանձնախումբը, առցանց յայտագրով մը նշեց Շուշիի ազատագրութեան 28-ամեակը։

Բացման խօսքը կատարեց արեւելեան Ա․Մ․Ն․-ի Հայ Դատի յանձնախումբի գործադիր տնօրէն Արամ Պալեան։ Ան շեշտեց, թէ Շուշիի գրաւումը մահ ու կենաց հարց էր եւ շնորհիւ վճռակամ  ու մարտունակ զինեալ քաջերուն, կարելի եղաւ յաղթական դուրս գալ։ Ապա, Պալեան խօսքը փոխանցեց արեւելեան Ա․Մ․Ն․-ի, Հ․Յ․Դ․ Կեդրոնական Կոմիտէի անդամ Խաժակ Մկրտիչեանին, որ հայերէնով խօսք առնելով շեշտեց Շուշիի պատմական յաղթանակը։

Ան, յայտնեց, թէ Շուշիի ազատագրութեան յաղթական գրոհը օրին ոչ միայն վերջակէտ դրաւ ատրպէյճանական զօրքի դիրքային առաւելութեան, այլեւ ազդանշանը տուաւ հայրենի հողի ամբողջական ազատագրման յաղթարշաւին, որ փառաւոր կերպով շարունակուեցաւ եւ իրագործուեցաւ:

Ապա, փակման խօսքը անգլերէնով փոխանցեց արեւելեան Ա․Մ․Ն․-ի, Հ․Յ․Դ․ Կեդրոնական Կոմիտէի ներկայացուցիչ Ճորճ Աղճայեանը, որ իր կարգին յայտնեց, թէ  Հայաստանի եւ հայութեան համար ցայսօր զգայուն պայմաններու տակ կը նշուի հայոց նորագոյն պատմութեան ամէնէն փառապանծ յաղթանակներէն` Շուշիի ազատագրութիւնը:

Յայտագրի ընթացքին, վաւերագրական մըն ալ ցուցադրուեցաւ, պատրաստուած “Երկիր-մետիա”-ի կողմէ։

 

 

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post «ՀԱՇՈՒԵՅԱՐԴԱ՞Ր»
Next post Հ.Յ.Դ. Երիտասարդականի Եւ Ուսանողականի Օգնութիւնը՝ Արագածոտնի Մարզի Ընտանիքներուն

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles