Էփիին Անձայն Հրաժեշտը

 

«Հայրենիք»

Քանի մը տարիէ ի վեր չէր հանդիպեր Էփին։ Մինչեւ 2015-16 թուական, ան հետեւողական ձեւով կ՛այցելէր «Հայրենիք» հաստատութիւն։ Իր երկրորդ տունն էր 80 Bigelow Ave, Watertown, MA հասցէն։

Ամենայն քաղաքավարութեամբ եւ մաքրամաքուր հայերէնով «Չե՞մ խանգարեր»,  կամ «Ձեզ ժամավաճառ չե՞մ ըներ» կ՛արտայայտուէր։ Ան ծառաւն ունէր հայերէն խօսելու, հայութեան մասին զրուցելու եւ նոյնիսկ հայկական ճաշակելու։

Յաճախ կապ կը հաստատէինք իր հետ։ Յատկապէս վերջին տարիներուն տեղեկացուցած էր, թէ առողջութիւնը վատթարացած էր եւ այլեւս դժուար էր իրեն համար քշելը հեռաւոր Պանկորէն (Մէյն) Պոսթըն։ 2016-ին հանգստեան կոչուած էր, եւ այսպէս գործի բերմամբ Մասաչուսէց այցելութիւններն ալ դադրած էին։

Ծնած, Դեկտեմբեր 5, 1937-ին, Պէյրութի մէջ, Էփիֆանի Գէորգ Պալեան 1960-ին աւարտելէ ետք տեղււոյն ամերիկեան համալսարանը, մենեցաւ Պոսթըն, ուր բժշկութիւն ուսանեցաւ։ 1966-ին աւարտելէ ետք Պոսթընի համալսարանը, ան գրրծեց Ռոտ Այլընտի եւ Պոսթընի հիւանդանոցներէն ներս։ Էփի նաեւ ծառայեց ամերկեան օդուժին եւ մասնակցեցաւ Վիեթնամի պատերազմին։

Հազարապետի պաշտօնի հասնելէ ետք, ան 1972-ին մասնագիտացաւ հոգեբուժման բնագաւառէն ներս, բարձր մակարդակի յաւելեալ դասընթացքներու հետեւելով։

Էփին կը սիրէր կարդալ եւ այդ ալ ծանր նիւթեր՝ ռազմաքաղաքական, հոգեբանական, աստուածաբանական․․․։ Ան ձիաբոյծ էր եւ յատկապէս դրօշմաթուղթ կը հաւաքէր։ Փոքր ու դիմացկուն օճախներու մտայղացումով, իր փափաքն էր Պանկորի մէջ հիմնել հայկական գաղութ մը, դժուար ու անիրագործելի գաղափար մը, որ չիրականացաւ։

«Դիւրին կը կարծէի նման գաղութ մը մէջտեղ բերելը։ Առանցին մնացի, բայց այդ ալ ըսեմ, որ վարժուեցայ», կը յայտնէր ան վերջին այցելութիւններուն ժամանակ։

Այսպէս, Էփին մեկնեցաւ լռիկ-մնջիկ եւ իր նկարագրին նման սուսիկ-փուսիկ։

Մտածկոտ դէմք մը, ժպտուն հայորդի մը, Հայ Դատին աշխատանքներուն կոյր հաւատաւոր մը․․․ «Հայրենիք» հաստատութիւնը կորսնցուց ոչ թէ միայն հաւատարիմ բարեկամ մը, այլ հարազատ մը։

 

 

Be the first to comment

Leave a Reply

Your email address will not be published.


*