Հ.Մ.Ը.Մ.-Ի ԱՐԵՒԵԼԵԱՆ  Ա․Մ. Ն.-Ի ՆԱՒԱՍԱՐԴԵԱՆ ԽԱՂԵՐԸ ՏԵՂԻ ՊԻՏԻ ՉՈՒՆԵՆԱՆ 


ՈՒԱԹԸՐԹԱՈՒՆ (Մասաչուսէց)․- Հ.Մ.Ը.Մ.-ի Արեւելեան Ա․Մ.Ն.-ի Շրջանային Վարչութիւնը, յատուկ հաղորդագրութեամբ մը կը տեղեկացնէ, թէ որոշած է յետաձգել 30ր-դ Նաւասարդեան խաղերը, որոնք տեղի պիտի ունենային 2-5 Յուլիսին, հիւրընկալութեամբ Պոսթընի մասնաճիւղին։

Հաղորդագրութեան մէջ կը նշուի, թէ․- «Վերջին քանի մը ամիսներուն, պսակաձեւ ժահրը ցնցեց համաշխարհային տնտեսութիւնը եւ պատճառ դարձաւ ամբողջ աշխարհի լայնատարած անորոշութեան: Այս դժուարութեան առջեւ մատնուած, շատ մը աշխատանքներ արդէն իսկ դադրած են եւ բազմաթիւ ձեռնարկներ յետաձգուած, նկատի ունենալով ժողովուրդին առողջութեան մտահոգութիւնները եւ ճամբորդութեան արգելքներն ու մեկուսացումը:․․․Ներկայիս, Շրջանային Վարչութիւնը եւ Նաւասարդեան Խաղերու կազմակերպիչ յանձնախումբը ամեն ջանք կը թափեն հաստատելու, որ 30-րդ Նաւասարդեան Խաղերը տեղի ունենան Պոսթընի մէջ՝ Յուլիս 2021-ին: Հ.Մ.Ը.Մ.-ի Նաւասարդեան խաղերը կը մարմնաւորեն իմաստալից խորհուրդ: Հ.Մ.Ը.Մ.-ի “Բարձրացի’ր, Բարձրացո’ւր” նշանաբանով, մարզիկները, անդամները, կամաւորները, ընտանիքներն ու զանազան գաղութներէ ժամանած հայորդիներ կը հաւաքուին մրցելու եւ վայելելու Հ.Մ.Ը.Մ.-ականի ընկերային ու հայկական ոգին: ․․․ Միասին պիտի յաղթահարենք այս դժուար ժամանակը»:
Յաւելեալ տեղեկութիւններու եւ հարցումներու համար, դիմել ե-նամակով հետեւեալ հասցէին․- Navasartian.EUSA@homenetmen.org

Be the first to comment

Leave a Reply

Your email address will not be published.


*