Հ.Ե․Դ․-ի «Օգնէ՛ Հայրենակիցիդ» Ծրագիրը

 

ԵՐԵՒԱՆ․- Պսակաձեւ ժահրին ստեղծած ահաւոր եւ դաժան պայմանները մեծ հարուած մը տուին հայորդիին։ Մարտ 16-էն ի վեր կը շարունակուի այս իրավիճակը։ Շաբաթներէ ի վեր, Հայաստանի Հանրապետութեան մէջ արտակարգ դրութիւն յայտարարուած է: Դժբախտաբար, բազմաթիւ ընտանիքներ ամէն օր ստիպուած են լուծելու օրական հացի, ընտանիքի անդամներուն  համար սնունդ ապահովելու կենսական խնդիրները: Հայաստանի Հանրապետութեան հազարաւոր բնակիչներուն ժամը հասած է ծանրագոյն փորձութիւններուն դէմ պայքարելու եւ յաղթահարելու:

Նկատի ունենալով, այս հարցին լրջութիւնը, Հայաստանի Երիտասարդական Միութիւնը եւ Հ․Յ․Դ․ «Նիկոլ Աղբալեան»  ուսանողական միութիւնը մեկնարկած են Հայաստանի սահմանամերձ համայնքներուն անհրաժեշտ օգնութիւն տրամադրելու ծրագիր մը՝ «Օգնէ՛ Հայրենակիցիդ» (“Help Your Compatriot – #TogetherWeWillWin”):

Արդէն իսկ, Տաւուշի եւ Վայոց Ձորի մէջ բնակող ընտանիքներ կարելի եղած է մատակարարել սննդեղէնով։

Իւրաքանչիւր կազմակերպութեան եւ անհատի պարտքն է գիտակցիլ, այս օրերուն հայ հասարակութեան դէմ կանգնող մարտահրաւէրներուն եւ դիմել գործօն քայլերու։

Այս գծով, իրենց ներդրումը կը կատարեն, նաեւ  Հ․Յ․Դ․ Հայաստանի Գերագոյն Մարմինի հայրենադարձներու խորհրդատուութեան գրասենեակը, Հայաստանի Հայ Օգնութեան Միութիւնն ու Հ․Մ․Ը․Մ․- Հ․Ա․Ս․Ք․-ը։ Կարելի եղած է օգնութեան փութալ,  աւելի քան վեց հարիւր ընտանիքներու։

Ժամանակն է, որ մենք ալ մեր կարգին, անյապաղ կատարենք մեր օժանդակութիւնը։

Կարելի է «Օգնէ՛ Հայրենակիցիդ» ծրագիրին մասնակցիլ, դիմելով հետեւեալ հասցէներուն․-

BENEFICIARY BANK
Converse Bank CJSC, Yerevan, Armenia
SWIFT: COVBAM22
Beneficiary Bank account No.: 30111840400000001013

INTERMEDIARY BANK
THE BANK OF NEW YORK MELLON NEW YORK, USA
SWIFT: IRVTUS3N
Argishti Gevorgyan
+37455320445

CORRESPONDENT BANK
ALFA_BANK, MOSCOW, RUSSIA
SWIFT: ALFARUMM
Argishti Gevorgyan
+37455320445

Be the first to comment

Leave a Reply

Your email address will not be published.


*