ՏՈՒՐԲՈՒԼԵՆՏ ԿԵԴՐՈՆԱԿԱՆՑԻԷՆ ԵԼ-ՆԱՄԱԿ ՍՏԱՑԱՆՔ

0 0
Read Time:1 Minute, 27 Second

 

            Մայիսի արեւոտ օրը դառն ժպիտ բերաւ, երբ ստացայ Արմենակի ելեկտրոնային նամակը: Արգիլեցին իրարու հանդիպիլ, ձեռք թօթուել, համբուրուիլ: Հասկցա՞նք թէ որքա՜ն մեծ գիւտեր են ինտերնետը, այֆոնը, սքայփը եւ սելֆին:

            Տէքարթ ըսած է. կը մտածեմ, ուրեմն կամ: Կեդրոնականցին կը մտածէ եւ կը գործէ ըսելով, որ ինտերնետ, այֆոն, սքայփ եւ սելֆի ունի: Էլպիսին հետ այցելութեան չեն կրնար գալ: Կը զրկուինք Էլպիսի պոլսական փլաքիէն, իմամ պայըլտիէն, սու պէօրէքէն, Արմենակի Փարիզի սուրբ Լուդովիկոս կղզիէն գնուած հռչակաւոր Պերթիյոն պաղպաղակէն:

            Պարտադրանքը շարունակուող կորոնավիրուսի: Չեմ գիտեր, թէ այդ ժահրի սարսափը կը նուազի՞, եթէ զայն հայացնելով ըսենք՝ պսակաձեւ ժահր:

            Արմենակ խնդրած է, որ Հայաստանի լրատուամիջոցներու ի-մէյլները ղրկեմ իրեն: Ղրկեցի դեսպանատան ի-մէյլըՆորահայերէնով յօդուած գրած է եւ կ’ուզէ որ հայերը հաղորդուին իր միտքերով:

            Մակարուհին բաձրաձայն կարդաց Արմենակի ի-մէյլը, յետամնացներու՝ ել-նամակը:

           

«ԿՈՐՈՆՎԻՐՈՒՍԻ ՊԵՆՑԵՏՆԵՐՈՎ ԴԻԱԿՈՆԻՍՏԻԿԱ

ԵՒ ԹԵՐԱՊԻԱ ԵՒ ՇՈՓԷՆԻ ՄԱՀԵՐԳԸ, ԸՍԷ՛Ք՝ ՌԵԿՎԻՅԷՄ

 

Պրոկրեսի եւ ռեկրեսի իմպուլսներու կոլլապսի ոչ-ադեկվատ տոքսիկ պրոբլեմները լոքդաուն կ’ընեն իռացիոնալ եւ պսեւդոարտակարգ կոնֆլիկտային եւ դեմագոգիգ հայկական սպեկտրի էվոլուցիոնը: Եթէ չվերդիկալացնենք էկոնոմիկ եւ սոցիալ մոտիվացիաները, մնանք լոկալացուած, պասիվ եւ դիլետանտ, պետութեան բոլոր ֆունկցիաները շարունակենք իմպրովիզացիայով, անկարելի է ներկայ էդապին թերապիա ընել… Սիտուացիան կոնյուկտուրային եւ տուրբուլենտային ըլլալով, չի բաւեր նիուզռումի մէջ խօսիլ, հարկ է հրաժարիլ ստերիլ նոնսենսներէ…»

            Մակարուհին դադրեցուց ընթերցումը եւ ըսաւ.

            – Արմենակ գործնապաշտ դարձեր է: Գտած է հասկցուելու ճիշդ ուղին: Դուն ալ սփիւռքի թերթ հրատարակող բարեկամներուդ գրէ, որ հետեւին իմաստուն Կեդրոնականցիի օրինակին, վերջ տալու համար Հայաստան-սփիւռք յարաբերութիւններու տուրբուլենտային իմպրովիցիաներուն: Այսպէս կը կերտուի ազգային միութիւնը:

            Մտածեցի բայց չըսի, որ սփիւռքի օտարաբարբառ դարձած ինտելիգենցիան եւ երեւելիներ համոզուած են, որ լատինաբառ հայերէնն է ապագան, քանի որ համաշխարհային ազգ ենք, եթէ այդպէս խօսինք, ամէն մարդ կը հասկնայ:

            Մակարուհին սուրճ բերաւ: Արմենակ բացակայ էր, եւ չկար մէկը, որ սուրճը կու տալէ ետք շուտով մեկնէր… Ես ո՞ւր երթամ…

 

Մակար ի Գաղիա, 4 մայիս 2020

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post Ամերիկայի Հայ Աւետարանչական Ընկերակցութեան Գործադիր Տնօրէն Զաւէն ԽանճեանԻ Խօսքը՝ Լիբանանահայութեան
Next post ՇԱՏԸ ԳՆԱՑ, ՔԻՉԸ ՄՆԱՑ… (Կամ «պայ-պա՜յ պսակաձեւ»)

Average Rating

5 Star
0%
4 Star
0%
3 Star
0%
2 Star
0%
1 Star
0%

One thought on “ՏՈՒՐԲՈՒԼԵՆՏ ԿԵԴՐՈՆԱԿԱՆՑԻԷՆ ԵԼ-ՆԱՄԱԿ ՍՏԱՑԱՆՔ

Leave a Reply

Your email address will not be published. Required fields are marked *

Social profiles