«Փուլային Տարբերակով Լեռնային Ղարաբաղի Տագնապի Լուծումը Անընդունելի Է», Կը Յայտնէ Իշխան Սաղաթէլեան 

0 0
Read Time:58 Second
ԵՐԵՒԱՆ.- «Թերթ»-ին հետ զրոյցի մը ընթացքին,  Հ.Յ.Դ. Հայաստանի Գերագոյն մարմինի ներկայացուցիչ Իշխան Սաղաթէլեան յայտնեց.- «Մենք կը կարծենք, թէ անընդունելի է տագնապի լուծումը փուլային տարբերակով, եւ երբեք կարելի չէ բանակցիլ անոր շուրջ: Հայաստանի համար ընդունելի չեն տակաւին մինչեւ 2018 ներկայացուած եւ ղարաբաղեան խաղաղ լուծման փուլային տարբերակ ենթադրող առաջարկները: Աւելին, 2018-էն ի վեր Հայաստան չի վարեր բանակցութիւններ, որոնք հիմնուած ըլլան փուլային լուծման վրայ:…Հայկական կողմը պէտք է իր օրակարգով յստակ յառաջ երթայ: Կ’ըլլան ճնշումներ, սպառնալիքներ, տարբեր մօտեցումներ, չեմ բացառեր, բայց ճիշդ քաղաքականութեան շնորհիւ պէտք է սխալ ճամբէն դուրս գանք»:
Պատասխանելով դիտարկման, թէ արդեօք այն, որ Ռուսիոյ  արտաքին գործոց նախարարը խօսած է փուլային լուծման տարբերակին մասին, նաեւ անդրադարձած է հայ-ռուսական յարաբերութիւններուն մէջ առկայ խնդիրներու մասին, չի՞ նշանակեր, որ կայ ճնշում ռուսական կողմէն, Իշխան Սաղաթելեանը նշեց. «Ակնյայտ է, որ հայ-ռուսական յարաբերութիւններուն մէջ այսօր կան ոչ հարթ իրավիճակներ, եւ ատիկա շատ յաճախ պայմանաւորուած է մեր վարած արտաքին քաղաքականութեան չմտածուած քայլերով եւ գործողութիւններով: Բայց ատիկա չի նշանակեր, որ ըլլայ ռուսական, թէ որեւէ այլ կողմ, ունի իրաւասութիւն այս հարցով մեր պետութեան վրայ ճնշում գործադրելու: Ասիկա մեզի համար համահայկական, համազգային նշանակութեան խնդիր է: Եթէ կայ նման խնդիր, մենք պէտք է բոլորս միասնաբար դիմադրենք անոր»:

 

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post ՄԵՐ ՕՐԵՐՈՒ ԺՈՂՈՎՐԴԱՎԱՐՈՒԹԻՒՆԸ 1 .-  ԻՐԱԿԱՆՈՒԹԻՒՆ ԵՒ ԽԵՂԱԹԻՒՐՈՒՄ
Next post ՄԱՀԱԶԴ

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles