105-ամեակի Նշում՝ Շիքակոյի Եւ Լօուըլի Մէջ

0 0
Read Time:1 Minute, 11 Second

Հակառակ պսակաձեւ ժահրի ստեղծած դաժան պայմաններուն, Ա․Մ․Ն․ արեւելեան շրջանի կարգ մը գաղութներէ ներս, սակաւ թիւով հայորդիներ նշեցին Հայոց Ցեղասպանութեան 105-ամեակը։

Շիքակոյի կեդրոնական շրջանի «Տալի Փլազա»-ի մուտքին, քանի մը հայորդիներ պաստառներով եւ եռագոյն դրօշներով ժամեր շարունակ կատարեցին խաղաղ նստացոյց մը, հետաքրքրութիւն ստեղծելով շրջանը այցելող թիւով քիչ անցորդներուն, որոնք աւելի հետաքրքրութիւն ցուցաբերեցին։ Տեղւոյն Հ․Յ․Դ․ «Քրիստափոր» կոմիտէութեան կազմակերպութեամբ, այս տասնեակ մը ցուցարարները կը նշէին, թէ Ցեղասպանութեան 105-ամեակին կողքին, նաեւ այս տարի կը նշուէր Սեւրի դաշնագրի 100-ամեակը, որուն պայմանները պէտք է անյապաղ գործադրուին։

«Հակառակ ստեղծուած պայմաններուն, կրցանք ներկայ ըլլալ եւ մեր խօսքը փոխանցել», ըսաւ ցոյցը կազմակերպողներէն՝ Կրէկ Պետեան։

Տեղւոյն Հայ Դատի յանձնախումբը, նաեւ այս առթիւ կազմակերպեց առցանց ձեռնարկ մը, որուն բացումը կատարեց Մարալ Աբրահամեան։ Ապա, խօսք առին տեղւոյն Հ․Յ․Դ․ «Քրիստափոր» կոմիտէութեան ատենապետ Յակոբ Սուլաքեան, Իլինոյի մօտ Հ․Հ․ հիւպատոս Օսքար Թաթէոսեան։ Խօսք առաւ քոնկրէսական Ռաժա Քրիշնամուրթի (վերը՝ դեմոկրատական) նաեւ կարդացուեցաւ քոնկրէսական տիկին Եան Շաքովսքիի ( դեմոկրատական) խօսքը։ Հ․Ե․Դ․-ի անդամներ Արաքսի Քաս եւ Տարոն Պետեան (վարը), , իրենց կարգին կարծիքներ յայտնեցին։

Նշենք, թէ Կլենվիուի Ամենայն Սրբոց եկեղեցւոյ մէջ, դռնփակ պայմաններու տակ, տեղւոյն հովիւ Ղեւոնդ ծայր․ վարդապետ Պենտեզեան կատարեց պատարագ։

 

Միւս կողմէն, Լօուըլի (Մասաչուսէց) մէջ, կազմակերպութեամբ տեղւոյն Հայ Դատի յանձնախումբին, տեղի ունեցաւ նմանօրինակ հաւաք մը, ուր քաղաքի կեդրոնին մէջ քանի մը խաղաղ ցուցարարներ նշեցին Ցեղասպանութեան 105-ամեակը։ Անոնք նաեւ կատարեցին դրօշակի արարողութիւն։

Այս առթիւ, Լօուըլի քաղաքապետ Ճոն Լիհին յայտարարութիւն մը լոյս ընծայած էր, քննադատելով 105 տարի առաջ կատարուած այս անմարդկային ցեղասպանութիւնը։

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post Հայոց Ցեղասպանութեան 105-ամեակի Նշում
Next post «Թուրքիոյ Բանտերուն Մէջ Պսակաձեւ Ժահրը՝ Լուրջ Մտահոգութիւն Մը», Կը Տեղեկացնէ Ժողովուրդներու Ժողովրդավարութեան Կուսակցութիւնը (HDP)

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles