Կոչ՝ Արցախին Տրամադրուելիք Ամերիկեան Օժանդակութիւնը Փրկելու

0 0
Read Time:51 Second

ՈՒԱՇԻՆԿԹԸՆ․- Հայ Դատի յանձնախումբը կոչ ուղղեց ամերիկահայերուն, որ դիմեն իրենց շրջանի ծերակուտականներուն` անոնցմէ խնդրելով, որ ստորագրեն Արցախի Հանրապետութեան տրամադրուելիք ամերիկեան օժանդակութեան առաջարկը փրկելու նպատակով ծերակուտական Պապ Մենենտէսի հեղինակած նամակին տակ:

Յիշեցնենք, որ Միացեալ Նահանգներու նախագահ Տանըլտ Թրամփի վարչակազմը կը փորձէ յառաջիկայ տարեշրջանի պետական ամավարկէն հանել Արցախի վերապահուած նպաստը, որուն կ’ընդդիմանայ նաեւ Պաքուն:

Ծերակուտական Մենենտէս նամակին մէջ կը շեշտէ, որ Արցախին յատկացուի առնուազն 1,5 միլիոն տոլար, իբրեւ մարդասիրական աջակցութիւն, որմէ մաս մը պիտի տրամադրուի նաեւ ականազերծման եւ վերականգնողական կեդրոններուն: Ծերակուտականներ Ճէք Ռիտ եւ Ռիչըրտ Պլումընթալ արդէն ստորագրած են նամակին տակ:

Նշենք, որ Հայ Դատը փետրուարին ներկայացուցած էր 2021-ի պետական ամավարկին մէջ իր առաջնահերթութիւնները` կոչ ուղղելով քոնկրեսականներուն, որ նկատի ունենան հետեւեալները.

– Առնուազն 10 միլիոն տոլարի աջակցութիւն Արցախին մարդասիրական կենսական նպաստներ տրամադրելու ջանքերուն եւ ամբողջացնելու համար «Հէլօ Թրասթ»-ի կողմէ այնտեղ շարունակուող ականազերծման աշխատանքները.

– Առնուազն 90 միլիոն տոլարի աջակցութիւն Հայաստանին` ամրապնդելու համար Միացեալ Նահանգներու հետ քաղաքական, տնտեսական եւ ռազմական գործակցութիւնը.

– Արգիլել Ատրպէյճանին որեւէ տնտեսական աջակցութիւն, այնքան ատեն որ, որ Պաքուի կողմէ Արցախի եւ Հայաստանի դէմ սպառնալիքները կը շարունակուին:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post Համազգայինը՝ Նոր Մարտահրաւէրներու Դիմաց
Next post Գալուստ Կիւլպէնկեան Հիմնարկութիւն․- Հայերէնով Դասաւանդողներու Առցանց Ուսուցումի Մրցանակ

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles