Ընկերային Հեռաւորութեան Զատիկը

0 0
Read Time:1 Minute, 4 Second

ՀԱՅՐԵՆԻՔ

Խմբագրական

Համաճարակը հարուածած է նաեւ խունկը, աղօթքն ու պատարագը: Դատարկ են եկեղեցիները։

Այո՛… յարութեան, հաւատքի եւ գիտակցութեան տօնը՝ Զատիկն ալ պատժուած է այս տարի: Բոլորովին տարբեր պայմաններու տակ կը նշուի այս տարուան Քրիստոսի յարութեան օրը:

Արդէն իսկ շաբաթ մը առաջ, Մեծ Պահքի նախավերջին Կիրակին՝ Ծաղկազարդի օրը լուր էին եկեղեցիները, իսկ անոնց մօտակայ բակերը՝ փակ: Մեծ հետաքրքրութիւն ստեղծող Դռնբացէքի արարողութիւնն ալ դռնփակ կատարուած էր, իսկ Տիրոջ երկրորդ գալուստն ու Վերջին Դատաստանը խորհրդանշող վարագոյրներու բացումն ալ անշուք անցաւ: Երկինքի արքայութեան դռները ներկայացնող վարագոյրները պիտի արտօնէի՞ն, որ կարելի ըլլալ արքայութիւն մուտք գործել:

Ձիթենիներու ոստերն ալ որբ էին: Այսպէս, հայորդին գոհացած էր այդ ձիթենիի օրհնուած ճիւղերով զարդարել իր բնակարանը: Այդ ձիթենիները կը ներկայացնէին ուժ, որուն օգնութեամբ կարելի է դիմակայել բնութեան աղէտները, որոնց կարգին պսակաձեւ ժահրը:

Աւագ Շաբթուան ընթացքին, հեռուէն կարելի եղաւ հետեւիլ Յիսուսի երկրաւոր կեանքի վերջին ընթրիքին, մատնութեան, չարչարանքին, խաչելութեան թաղման եւ ի վերջոյ Զատկուան` Քրիստոսի հրաշափառ Յարութեան օրուան:

Ժամանակն ու եղանակն է մոմ վառելու, սակայն այս անգամ սրբատեղիէն հեռու, տուներու մէջ կը կատարուին այս ծէսերը:

Այս օրերուն, Սուրբ Զատիկի խորհուրդի այդ աւանդական իմաստէն դուրս գալով, պէտք է յաւելեալ խորասուզուիլ եւ ներկայացնել պայքարի եւ դիմադրութեան կամքը: Կատաղի պայքար, տարբեր ձեւով ներկայացնելու մահուան յաղթանակի տօնը:

Համաշխարհային աղէտ նկատուած պսակաձեւ ժահրը նոր մարտահրաւէրներու առջեւ դրած է աշխարհը, որուն դէմ կարելի է պայքարիլ եւ ի վերջոյ յաղթական դուրս գալ:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post Աշխարհահռչակ Յօրինող Փենտերեցքիի Հրաժեշտը
Next post ՀԻԱՍԹԱՓՈՒԹԵԱՆ ԵՒ ԱԶԳԱՅԻՆ ԳԵՐԱԳՈՅՆ ՇԱՀԻ ՀՐԱՄԱՅԱԿԱՆԻՆ ՄԻՋԵՒ

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles