Հ.Օ.Մ.- Ը ԲԺՇԿԱԿԱՆ ԻՐԵՐ Կ՛ՈՒՂԱՐԿԷ ԱՐՑԱԽ՝ ՊԱՅՔԱՐԵԼՈՒ ՀԱՄԱՐ «ՔՈՐՈՆԱ» ԺԱՀՐԻՆ ԴԷՄ

0 0
Read Time:47 Second

 

ՈՒԱԹԸՐԹԱՈՒՆ (Մասաչուսէց).-  Մարտ 30-ին, Հայ Օգնութեան Միութիւնը Արցախի Հանրապետութեան Առողջապահութեան Նախարարութեան օժանդակութեան կոչին արձագանգելով, «Քորոնա» ժահրին դէմ պայքարելու նպատակով, Արցախ կը ղրկէ բժշկական իրերու (ջերմաչափեր) իր երկրորդ առաքումը։ Ըստ ակնկալութեան, այս նպաստը Արցախ պիտի հասնի գալ շաբթուան ընթացքին։ Շտապ օգնութեան այս նախաձեռնութիւնը կարելի եղաւ իրականացնել Հ.Օ.Մ.-ի եւ Հայ Յեղափոխական Դաշնակցութեան  Բիւրոյի ճիգերով։ Յառաջիկայ օրերուն կը նախատեսուի կատարել երրորդ առաքում մը եւս։

Նախապէս, Մարտ ամսուան սկիզբը, Հ.Օ.Մ.-ի, Հայաստանի Հանրապետութեան Առողջապահութեան Նախարարութեան, Հայաստան Համահայկական Հիմնադրամի, Chevy Chase Վիրաբուժական Կեդրոնին եւ Անի եւ Նարօտ յիշատակի հիմնադրամի համագործակցութեամբ, շտապ օգնութեան առաջին հանգրուանը իրագործուեցաւ Հայաստան և Արցախ։

Ցարդ, Արցախի Հանրապետութեան սահմաններէն ներս «Քորոնա» ժահրի պարագաներ չեն արձանագրուած, սակայն օժանդակութեան այս որոշումը նախազգուշական քայլ մըն է, Արցախի մէջ ժահրին տարածման առաջքը առնելու համար, մանաւանդ նկատի ունենալով բժշկական իրեր ապահովելու համաշխարհային տագնապը։

« Սփիւռքի միասնական ուժերով է, որ հակառակ բոլոր խոչընդոտներուն, մեր հայրենիքէն ներս պիտի պայքարինք այս համաճարակին դէմ», կը տեղեկացնէ Հ.Օ.Մ.-ը։

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post ԲԱՑԱՅԱՅՏ ՆԱԽԱՅԱՐՁԱԿՈ՞ՒՄ ԹԷ ԻՐԱՎԻՃԱԿԸ ՍՐԵԼՈՒ ՓՈՐՁ…
Next post ՆՇՄԱՐ.- ՅԱՐԳԱ՛ՆՔ ԲՈՒԺՈՂՆԵՐՈՒՆ, ԲԱՅՑ…

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles